روم۔5جون (اے پی پی):وفاقی وزیرداخلہ و انسداد منشیات محسن نقوی اتے وفاقی وزیر سمندر پار پاکستانیز و ترقی انسانی وسائل چودھری سالک حسین اٹلی دے وزیر داخلہ میٹیو پینٹے ڈوسی نال ملاقات کیتی ۔اطالوی وزارت داخلہ آمد تے اعلی حکام وفاقی وزراء دا پرتپاک خیر مقدم کیتا۔ملاقات اچ غیر قانونی امیگریشن اتے انسانی سمگلنگ روکݨ سانڳے مشترکہ اقدامات تے ڳالھ مہاڑ کیتی ڳئی ۔ انسداد منشیات اتے بارڈر سیکورٹی دے …
وزیر داخلہ محسن نقوی دی وفاقی وزیر چودھری سالک حسین دے رلے اطالوی وزیر داخلہ میٹیو پینٹے ڈوسی نال ملاقات
روم۔5جون (اے پی پی):وفاقی وزیرداخلہ و انسداد منشیات محسن نقوی اتے وفاقی وزیر سمندر پار پاکستانیز و ترقی انسانی وسائل چودھری سالک حسین اٹلی دے وزیر داخلہ میٹیو پینٹے ڈوسی نال ملاقات کیتی ۔اطالوی وزارت داخلہ آمد تے اعلی حکام وفاقی وزراء دا پرتپاک خیر مقدم کیتا۔ملاقات اچ غیر قانونی امیگریشن اتے انسانی سمگلنگ روکݨ سانڳے مشترکہ اقدامات تے ڳالھ مہاڑ کیتی ڳئی ۔ انسداد منشیات اتے بارڈر سیکورٹی دے حوالے نال تعاون تے وی تفصیلی ڳالھ مہاڑ تھئی ۔ ملاقات اچ غیر قانونی تارکین وطن اتے انسانی سمگلنگ دے خلاف مربوط اتے موثر لائحہ عمل تے اتفاق کیتا ڳئے ۔ انسداد منشیات اتے بارڈر سیکورٹی سانڳے اقدامات چات ےویسن ملاقات اچ مشترکہ طور تے نیڑے کوآرڈینیشن دے تحت کم کرݨ دا فیصلہ کیتا ڳئے ۔ انسداد منشیات اتے انسانی سمگلنگ روکݨ سانڳے اٹلی دی پاکستانی بارڈرز کوں محفوظ بݨاوݨ سانڳے معاونت تے غور کیتا ڳئے ، اطالوی ٹیم وختی پاکستان دا دورہ کریسی ۔وفاقی وزیر داخلہ محسن نقوی اٹلی اچ 146 پاکستانی قیدیاں دے حوالے نال ڳالھ کیتی جݙاں جو 42 پاکستانی قیدیاں کوں پاکستان دے حوالے کرݨ دا مطالبہ کیتا۔وفاقی وزیرداخلہ محسن نقوی اطالوی ہم منصب کوں پاکستان دورے دی دعوت ݙتی۔ایں موقع تے اٹلی اچ پاکستان دے سفیر علی جاوید تے اطالوی وزارت داخلہ دے اعلی حکام وی موجود ہن۔
