شینزن۔5جون (اے پی پی):وزیرِاعظم محمد شہباز شریف شینزن اچ چین دی ڈیجیٹل ٹیکنالوجی کمپنی ہواوے دے ہیڈ کوارٹر دا دورہ کیتے، ایں موقع تے چینی کمپنی اتے وزارت سائنس و ٹیکنالوجی وچال فریم ورک معاہدے تے دستخط کیتے ڳئن ،چیئرمین ہواوے پاکستان دے مختلف شعبیں اچ سرمایہ کاری کرݨ تے دلچسپی ݙکھائی جݙاں جو وزیراعظم ہواوے کوں پاکستان اچ سرمایہ کاری ودھاوݨ تے پاکستان دے مختلف شہراں اچ ترجیحی بنیاد …
وزیرِاعظم شہباز شریف دا ہواوے ہیڈ کوارٹردا دورہ، چینی کمپنی اتے وزارت سائنس و ٹیکنالوجی وچال فریم ورک معاہدے تے دستخط
شینزن۔5جون (اے پی پی):وزیرِاعظم محمد شہباز شریف شینزن اچ چین دی ڈیجیٹل ٹیکنالوجی کمپنی ہواوے دے ہیڈ کوارٹر دا دورہ کیتے، ایں موقع تے چینی کمپنی اتے وزارت سائنس و ٹیکنالوجی وچال فریم ورک معاہدے تے دستخط کیتے ڳئن ،چیئرمین ہواوے پاکستان دے مختلف شعبیں اچ سرمایہ کاری کرݨ تے دلچسپی ݙکھائی جݙاں جو وزیراعظم ہواوے کوں پاکستان اچ سرمایہ کاری ودھاوݨ تے پاکستان دے مختلف شہراں اچ ترجیحی بنیاد تے سیف سٹی منصوبے بݨاوݨ دی دعوت ݙتی۔ وزیراعظم آفس دے میڈیا ونگ توں جاری بیان موجب ہواوے ہیڈکوارٹرز آمد تے ہواوے دے چیئرمین لیانگ ہوا وزیرِ اعظم شہباز شریف دا پرتپاک استقبال کیتا۔ہواوے ہیڈکوارٹر پڄݨ تے پاکستانی ملی نغمے وڄائے ڳئن۔ وزیراعظم ہواوے ہیڈکوارٹرز اچ ایگزیبیشن سینٹر دا دورہ کیتے۔ چیئرمین ہواوے وزیراعظم کوں ہواوے دے پوری دنیا خاص طور تے پاکستان اچ آپریشنزبارے ݙسایا ڳئے تے پاکستان دے مختلف شعبیں اچ سرمایہ کاری کرݨ تے گھاٹی دلچسپی ݙکھائی ۔وزیرِاعظم ہواوے دے آپریشنز دی جدت دی تعریف کیتی تے ہواوے کوں پاکستان اچ اپݨی سرمایہ کاری ودھاوݨ دی ترغیب ݙتی ایگزیبیشن سینٹراچ وزیراعظم کوں مختلف شعبیں بالخصوص ای گورننس، ڈیجیٹل بینکنگ، ٹیلی کمیونیکیشن، مصنوعی ذہانت دے حوالے نال بریفنگ ݙتی ڳئی ۔ وزیراعظم ہواوے دے تعاون نال پاکستان اچ بݨݨ آلے سیف سٹی منصوبیں دی تعریف کیتی۔ بعد اچ وزیرِاعظم اتے پاکستانی وفد دی چیئرمین ہواوے نال ݙوطرفہ ملاقات تھئی۔ ملاقات اچ وزیراعظم چیئرمین ہواوے کوں حکومت دے پاکستان اچ سرمایہ کاری دے ودھارے تے کاروبار دی سہولت سانڳے چاتے ڳئے اقدامات دا ݙسائے۔ وزیر اعظم چیئرمین ہواوے کوں پاکستان دورے دی دعوت ݙتی ۔ بعد اچ وزیراعظم ہواوے اتے وزارت سائنس و ٹیکنالوجی وچال فریم ورک معاہدے تے دستخط دی تقریب اچ شرکت کیتی۔ فریم ورک ایگریمنٹ دے تحت ہواوے پاکستان دے 2 لکھ نینگراں کوں انفارمیشن ٹیکنالوجی دے شعبے بشمول مصنوعی ذہانت دے شعبے اچ مفت تربیت ݙیسی ۔
