بھارت5 اگست 2019 دے یکطرفہ اتےغیر قانونی اقدامات کوں واپس گھنے ، پاکستان کشمیریاں دی سیاسی،سفارتی اتےاخلاقی حمایت جاری رکھیسی،وزیراعظم محمد شہباز شریف دا یوم استحصال تے سنیھا

اسلام آباد۔5اگست(اے پی پی) وزیراعظم محمد شہباز شریف آکھیے 5 اگست 2019 کوں ہندوستان غیر قانونی طورتے بھارتی زیرِ تسلط جموں و کشمیر تے آپمے شکنجے کوں مزید تکڑا کرݨ سانڳے نویں تے مذموم اقدامات دا ھک ݙراکلا سلسلہ شروع کیتے ، ہندوستان دنیا کوں اے دھوکہ ݙیوݨ دی کوشش کریندا پئے جو جموں تے کشمیر ایندی سرزمین دا اٹوٹ انگ اے، تاں جو بین الاقوامی قوانین،تاریخی حقائق، اخلاقی اصول اتے زمینی صورتحال بھارت دے بے بنیاد اتے کوڑ تے مبنی دعویں دا پردہ فاش کریندن ،پاکستان کشمیریاں دی سیاسی،سفارتی اتے اخلاقی حمایت جاری رکھیسی۔ وزیر اعظم آفس دے میڈیا ونگ توں جاری یوم استحصال دے موقع تے پیغام اچ انہاں آکھیے اڄ دا ݙینھ پوری پاکستانی قوم حکومتِ پاکستان کوں یومِ استحصال دے تاریک ݙینھ دی یاد ݙویندے ،5 اگست 2019 کوں بھارت دے غیر قانونی طور تے بھارتی زیر تسلط جموں و کشمیر اچ غیر قانونی تے مذموم اقدامات اتے انہاں دے سنگین نتجے دی شروعات تھئی ۔وزیراعظم  آکھیے 5 اگست 2019 کوں ہندوستان غیر قانونی طور تے بھارتی زیرِ تسلط جموں و کشمیر تے آپݨے شکنجے کوں مزید تکڑا کرݨ سانڳے نویں تے مزموم اقدامات دا ھک ݙراکلا سلسلہ شروع کیتا ۔ اوں توں ہݨ تئیں ہندوستان دنیا کوں اے دھوکہ ݙیوݨ دی کوشش کریندا پئے جو جموں تے کشمیر ایندی سرزمین دا اٹوٹ انگ اے۔تاں جو بین الاقوامی قوانین، تاریخی حقائق، اخلاقی اصول اتے زمینی صورتحال بھارت دے بے بنیاد تے کوڑ تے مبنی دعویں دا پردہ فاش کریندن ۔وزیر اعظم آکھیے اڄ غیر قانونی طور تے بھارت دے زیرِ تسلط جموں و کشمیر اچ کشمیری عوام دی حقیقی قیادت کوں چپ کرݨ تے میڈیا دی آواز دٻاوݨ سانڳے بھارت دی طرفوں ہر قسم دا ݙراکلا ہتھکنڈا اپنایا ویندا پئے ۔ بھارتی زیرِ تسلط کشمیر اچ سیاسی قیدیاں دی تعداد ہزاراں اچ اے جݙاں جو 14 کشمیری سیاسی تنظیماں کوں کالعدم قرارݙتا ڳئے ۔ جنت نظیر جموں و کشمیر اچ بھارت دی طرفوں بے گناہ کشمیریاں کوں ہراساں کرݨ، غیر قانونی گرفتاریاں، نام نہاد محاصرے و تلاشی دیاں کارروائیاں روز دا معمول بݨ ڳئن ۔بھارتی فوج مختلف ظالمانہ قوانین دی آڑ اچ نہتے کشمیریاں تے  ڈھٹائی نال ظلم دے پہاڑ ڈھائی کھڑی اے ۔ انہاں آکھیے اڄ دے ݙینھ کشمیری عوام دے بے مثال حوصلے، جرات تے بہادری کوں سلام پیش کرینداں جیں دی بدولت ساݙے کشمیری بھیݨ بھرا قانونی طور تے محکوم بݨاوݨ دی ہر بھارتی کوشش دا ڈٹ تے مقابلہ کریندے پئن ۔وزیر اعظم آکھیے تاریخ کئی واری ثابت کیتے جو جنوبی ایشیا اچ پائیدار امن، جموں و کشمیر دے جھیڑے دے حل تے منحصر اے۔جنوبی ایشیا اچ پائیدار امن و سلامتی سانڳے ، بھارت کوں ہر حال اچ جھیڑے توں انکار دی بجائے، انھاں جیڑھے دے حل آلے پاسے ودھݨا ہوسی ۔وزیر اعظم آکھیے بین الاقوامی برادری کوں بھارت تے زور پاوݨا چاہیدے او غیر قانونی بھارتی زیرِ تسلط جموں و کشمیر اچ انسانی حقوق دیاں سنگین خلاف ورزیاں روکے،  5 اگست 2019 دے یکطرفہ اتے غیر قانونی اقدامات واپس گھنے آپݨی فوج کوں نہتے کشمیریاں تے ظلم دے پہاڑ بھنݨ دی کھلی آزادی ݙیوݨ آلے قوانین ختم کرے اتے جموں و کشمیر تے اقوام متحدہ دی سلامتی کونسل دی قرارداداں تے عمل درآمد کرایا ونڄے ۔وزیر اعظم آکھیے پاکستان کشمیری عوام دے ناقابل تنسیخ حق خودارادیت گھنݨ تئیں انہاں دی بھرپور اخلاقی، سیاسی اور سفارتی حمایت جاری رکھیسی۔