5 اگست جموں تے کشمیر دی تاریخ دا کالا ݙینھ اے، بھارت 2019 اچ ایں ݙینھ غیر قانونی کم کر تے کشمیر دی حیثیت کوں بدلیے، وزیر داخلہ محسن نقوی

اسلام آباد۔5اگست  (اے پی پی) وفاقی وزیر  داخلہ محسن نقوی آکھیا جو 5 اگست  جموں تے کشمیر دی تاریخ دا کالا ݙینھ اے، بھارت 2019 اچ ایں ݙینھ غیر قانونی کم کر تے کشمیر دی حیثیت کوں بدلیے جئیں دی اساں سخت الفاظ اچ مذمت کریندوں۔ پںج اگست کوں دنیا دے سامھے نہ صرف بھارت دا مکروہ چہرہ بے نقاب تھیے بلکہ کشمیریاں تے نہ مکݨ آلا ظلم وی ساریاں دے سامھے نشابر تھیے۔ سنوار کوں آپݨے سنیھے اچ انہاں آکھیا جو کشمیریاں دی جدوجہد کوں سلام پیش کیروں۔ انشاء اللہ کشمیری ٻھیݨ بھرا آزادی دی سویل ضرورݙیکھسن۔ محسن نقوی آکھیا جو پاکستانی حکومت اتے عوام کشمیری ٻھیݨ بھراواں نال ہر محاذ تے ڈٹ تے کھڑن اتے ہر فورم تے انہاں دی اخلاقی، سیاسی اتے سفارتی امداد کریندے رہسوں۔