رحیم یار خان۔23اگست (اے پی پی) وفاقی وزیر داخلہ محسن نقوی رحیم یار خان اچ شہید تھیوݨ آلے پولیس اہلکاراں کوں تمغہ شجاعت ݙیوݨ دی سفارش کریندیں ہوئیں آکھیا جو حملہ آوراں دا عبرتناک انجام تھیسی۔ وفاقی وزیر داخلہ محسن نقوی شیخ زید ہسپتال رحیم یار خان اچ کچےدے علاقے اچ ڈاکواں دے حملے اچ زخمی پولیس اہلکاراں دی عیادت کیتی۔ وزیر داخلہ محسن نقوی فرداً فرداً سارے زخمیاں کنے …
وفاقی وزیر داخلہ دی رحیم یار خان اچ شہید تھیوݨ آلے پولیس اہلکاراں کوں تمغہ شجاعت ݙیوݨ دی سفارش، زخمی اہلکاراں دی عیادت کیتی
رحیم یار خان۔23اگست (اے پی پی) وفاقی وزیر داخلہ محسن نقوی رحیم یار خان اچ شہید تھیوݨ آلے پولیس اہلکاراں کوں تمغہ شجاعت ݙیوݨ دی سفارش کریندیں ہوئیں آکھیا جو حملہ آوراں دا عبرتناک انجام تھیسی۔ وفاقی وزیر داخلہ محسن نقوی شیخ زید ہسپتال رحیم یار خان اچ کچےدے علاقے اچ ڈاکواں دے حملے اچ زخمی پولیس اہلکاراں دی عیادت کیتی۔ وزیر داخلہ محسن نقوی فرداً فرداً سارے زخمیاں کنے ڳئے اتے انہاں دی خیریت پچھی۔ انہاں زخمی پولیس اہلکاراں دے بلند حوصلے دی تعریف کیتی۔ وزیر داخلہ ہسپتال انتظامیہ کوں زخمیاں دے بہترین علاج معاملے بارے ہدایت کیتی۔ جمعے کوں وزارت داخلہ توں جاری بیان موجب وفاقی وزیرداخلہ آکھیا جو تساݙے عزم دی تعریف کرینداں، تساں پنجاب پولیس دے بہادر سپوت ہیوے۔ انہاں آکھیا جو شہید پولیس اہلکاراں کوں تمغہ شجاعت ݙتا ویسی۔ ایں بارے اساں سفارش کر ݙتی اے۔ ڈی جی رینجرز پنجاب، انسپکٹرجنرل پولیس پنجاب، سیکرٹری داخلہ پنجاب، اعلی سول تے عسکری حکام وی ایں موقع تے موجود ہن۔
