اسلام آباد۔25 اگست(اے پی پی)وزیرِ اعظم محمد شہباز شریف وفاقی حکومت دے دفتراں کوں پیپر-لیس ٻݨاوݨ کیتے وزارت انفارمیشن ٹیکنالوجی اتے متعلقہ اداریاں کوں ٹاسک ݙیندے آکھیے جو نظام اچ شفافیت اتے تیزی کیتے ای آفس دا نفاذ حکومت دی ترجیح اے۔ وزیر اعظم آکھیے جو وفاقی سرکاری دفاتر اچ ای آفس دے نفاذ اچ کہیں قسم دی سستی قبول نئیں، ہک مہینے دے اندرو ساریاں دفتری فائلز تے کم …
نظام اچ شفافیت اتے تیزی کیتے ای آفس دا نفاذ حکومت دی ترجیح اے، وزیرِ اعظم شہباز شریف
اسلام آباد۔25 اگست(اے پی پی)وزیرِ اعظم محمد شہباز شریف وفاقی حکومت دے دفتراں کوں پیپر-لیس ٻݨاوݨ کیتے وزارت انفارمیشن ٹیکنالوجی اتے متعلقہ اداریاں کوں ٹاسک ݙیندے آکھیے جو نظام اچ شفافیت اتے تیزی کیتے ای آفس دا نفاذ حکومت دی ترجیح اے۔ وزیر اعظم آکھیے جو وفاقی سرکاری دفاتر اچ ای آفس دے نفاذ اچ کہیں قسم دی سستی قبول نئیں، ہک مہینے دے اندرو ساریاں دفتری فائلز تے کم ای آفس دے ذریعے کیتا ونڄے آندے مہینت توں کوئی وی فائل ای آفس دے علاوہ نہ ݙیکھاں۔ انہاں آکھیا جو افسران سارے دفاتر اچ ای آفس دے ذریعے فائلز بھیجن۔ ٻئے پاسو وزیرِ اعظم دی ہدایت تے وزیرِ اعظم آفس دے اسٹاف دی پچھلے ہفتے ای آفس دی ٹریننگ مکمل کرڳھدی ڳئی اے اتے وزیرِ اعظم آپ ای آفس تے فائلز وصول کیتن۔ ای آفس پاکستان اچ ڈیجیٹائزیشن اتے گورننس دی بہتری کیتے ٻہوں اہم اے۔ وزیرِ اعظم آندے ݙو ہفتیاں اچ ای آفس دے نفاذ تے پیش رفت دی رپورٹ وی منڳی اے۔
