پاک فوج دا ہائپر سونک بیلسٹک میزائل ‘فتح-2 ایکسٹینڈڈ رینج’ دا کامیاب تجربہ

راولپنڈی۔13 اکتوبر (اے پی پی) پاک فوج ہائپر سونک بیلسٹک میزائل ‘فتح-2 ایکسٹینڈڈ رینج (ER)’ دا کامیاب آزمائشی تجربہ کیتے، اے جدید ویپن سسٹم جدید ترین نیویگیشن تے اسٹیٹ آف دی آرٹ ایویونکس نال لیس اے۔ آئی ایس پی آر موجب اے میزائل اپݨے مخصوص ٹریجیکٹری پاتھ اتے دورانِ پرواز پینترا بدلݨ (Maneuverability) دی منفرد صلاحیت پاروں دشمن دے میزائل ڈیفنس سسٹمز کوں چکمہ ݙیوݨ تے اہداف کوں انتہائی درستی نال نشانہ بݨاوݨ دی بھرپور صلاحیت رکھیندے۔’فتح-2 ای آر’ اپݨی طویل فاصلے تئیں مار کرݨ دی صلاحیت پاروں پاک فوج دی پرے تئیں مار دی صلاحیت کوں مزید وسعت ݙیسی تے دشمن دے اندرلے علاقیں اچ موجود اہداف کوں نشانہ بݨاوݨ دی صلاحیت کوں نویں طاقت ݙیسی ۔ اڄ دے آزمائشی تجربے دا مشاہدہ کمانڈر آرمی راکٹ فورس کمانڈ، پاک فوج دے سینئر افسران اتے ماہر سائنسداناں اتے انجینئرز کیتے۔ کمانڈر اے آر ایف سی سائنسداناں اتے انجینئرز دی لڳن، عزم اتے فنی و تکنیکی مہارت کوں زبردست خراجِ تحسین پیش کیتا۔ صدرِ مملکت، وزیراعظم، چیف آف آرمی سٹاف و چیف آف ڈیفنس فورسز اتے سروسز چیفس فتح-2 ویپن سسٹم دے توسیعی رینج ورژن دے کامیاب تجربے تے سائنسداناں اتے انجینئرز کوں مبارخ ݙتی اے۔