اسلام آباد۔27اگست(اے پی پی) صدر مملکت آصف علی زرداری چین دی پیپلز لبریشن آرمی دے کمانڈر گراؤنڈ فورسز جنرل لی چیاؤ منگ کوں نشان امتیاز (ملٹری) عطا کیتے۔ چین دی پیپلز لبریشن آرمی دے کمانڈر گراؤنڈ فورسز کوں نشان امتیاز (ملٹری) عطا کرݨ دی خصوصی تقریب ایوانِ صدر اچ تھئی ، جیندے اچ وزیراعظم محمد شہباز شریف اتے چیف آف آرمی سٹاف جنرل سید عاصم منیر سودھے سروسز چیفس …
صدر آصف علی زرداری چین دی پیپلز لبریشن آرمی دے کمانڈر گراؤنڈ فورسز جنرل لی چیاؤ منگ کوں نشان امتیاز (ملٹری) عطا کیتا
اسلام آباد۔27اگست(اے پی پی) صدر مملکت آصف علی زرداری چین دی پیپلز لبریشن آرمی دے کمانڈر گراؤنڈ فورسز جنرل لی چیاؤ منگ کوں نشان امتیاز (ملٹری) عطا کیتے۔ چین دی پیپلز لبریشن آرمی دے کمانڈر گراؤنڈ فورسز کوں نشان امتیاز (ملٹری) عطا کرݨ دی خصوصی تقریب ایوانِ صدر اچ تھئی ، جیندے اچ وزیراعظم محمد شہباز شریف اتے چیف آف آرمی سٹاف جنرل سید عاصم منیر سودھے سروسز چیفس اتے ارکارن پارلیمنٹ شرکت کیتی۔ تقریب اچ غیر ملکی سفارتکار تے اعلیٰ سول و فوجی حکام وی شریک تھئے ۔ جنرل لی چیاؤ منگ کوں پاک چین دفاعی تعلقات ودھاوݨ اچ نمایاں خدمات دے اعتراف اچ نشان امتیاز (ملٹری) نال نوازیا ڳئے ۔ تقریب اچ جنرل لی چیاؤ منگ دے چار ݙھاکیں دے کیریئر اتے چینی فوج اچ انہاں دی نمایاں خدمات دا ذکر کیتا ڳئے، انھاں دی ذہانت، انتظامی مہارت اتے لڳن انہاں کوں ھک بہادر اتے قابل افسر دے طور تے شہرت ݙتی اے جیڑھے چین تے ایندے ٻاہر امن تے استحکام کوں ودھارا ݙیوݨ اچ اہم اے ۔ جنرل لی چیاؤ منگ چین دے آسے پاسے امن اتے استحکام برقرار رکھݨ اچ آپݨی غیر معمولی پیشہ وارانہ مہارت سانڳے مشہور ہن۔ پاکستان دے دوست دی حیثیت نال انھاں غیر متزلزل عزم نال پاک چین فوجی تعلقات کوں تکڑا کیتے ۔ انھاں دی خدمات دے اعتراف اچ صدر مملکت جنرل جنرل لی چیاؤ منگ کوں نشان امتیاز (ملٹری) نال نوازیے
