حکومت پاکستان دی ٹیکسٹائل انڈسٹری دی چنڳائی سانڳے اہم اقدامات کریندی پئی اے ، چیئرمین  سینیٹ سید یوسف رضا گیلانی

اسلام آباد۔28ستمبر(اے پی پی) چیئرمین  سینیٹ سید یوسف رضا گیلانی آکھیے جو حکومت پاکستان دی ٹیکسٹائل انڈسٹری دی چنڳائی سانڳے اہم اقدامات کریندی پئی اے جیں دا قومی معیشت اچ 60 فیصد حصہ اے۔7ویں بین الاقوامی کانفرنس ٹیکسٹائل اچ بطور مہمان خصوصی خطاب کریندے ہوئیں “متاثر کن تبدیلی: چیلنجز اتے سٹرائیڈز کامیابی دے پنکھ ہن “دے حوالے نال انھاں اقتصادی ترقی اتے روزگاراچ ایں شعبے دے اہم کردار تے زور ݙتا۔ انھاں  نشاندہی کیتی جو لکھاں خاندان آپݨی روزی روٹی سانڳے ٹیکسٹائل دی صنعت تے انحصار کریندن ، انھاں ہزاراں کارکناں کوں ملازمتاں ݙیوݨ اچ شعبہ دی اہمیت کوں نشابر کیتے ۔ سید یوسف رضا گیلانی ٹیکسٹائل دے شعبے اچ ریڑھ دی ہݙی دی حیثیت رکھݨ آلی اعلیٰ معیار دی کپاہ دی پیداوار سانڳے پاکستان دی صلاحیت کوں وی اجاگر کیتے تے درآمد شدہ خام مال تے انحصار گھٹ کریندے ہوئیں کپاہ دے معیار کوں چنڳاں بݨاوݨ سانڳے تحقیق اتے ترقی کوں ودھاوݨ تے زور ݙتا۔چیئرمین  سینیٹ جدید اتے اعلیٰ معیار دی ٹیکسٹائل مصنوعات دی تیاری تے زور ݙیندے ہوئیں آکھیے جو حکومتی سبسڈیز تے انحصار گھٹ تھیوݨ نال صنعت کوں مزید خود کفیل بݨاوݨ اچ مدد ملسی ، انھاں ایں شعبے کوں عالمی سطح تے مسابقتی  بݨاوݨ دی لوڑھ تے وی زور ݙتا تے کپاہ رہاوݨ توں گھن تے تیار ٹیکسٹائل مصنوعات تئیں ریسرچ اینڈ ڈویلپمنٹ (R&D) دی کوششاں کوں تکڑا بݨاوݨ دی حوصلہ افزائی کیتی ۔سید یوسف رضا گیلانی ٹیکسٹائل انڈسٹری دے روایتی اتے جدید ݙوہیں حصیں دی ترقی دی لوڑھ تے زور ݙتا تے آکھیے جو سینیٹ ایجھی قانون سازی اچ کلیدی کردار ادا کریندی اے جیڑھے جو پائیدار صنعتی ترقی دی حمایت کریندی ہووے ۔انہاں یقین ݙیوائے جو حکومت صنعت کوں جدید ٹیکنالوجی ݙیوݨ سانڳے پرعزم اے، جیڑھی ایںدی جدید کاری سانڳے ضروری اے ۔تقریب اچ ہونہار طلباء دا اعتراف کریندے سید یوسف رضا  گیلانی ٹیکسٹائل انڈسٹری سانڳے نویں تکنیک اتے ڈیزائن تیار کرݨ اچ تعلیمی اداریں دی کردار دی تعریف کیتی ۔ انھاں پاکستان دے ٹیکسٹائل سیکٹر دے مستقبل بارے امید دا اظہار کیتے۔لاہور اچ امریکی قونصل جنرل کرسٹن کے ہاکنز وی کانفرنس توں خطاب کریندے پاکستان اتے امریکہ وچال تکڑے کاروباری تعلقات تے روشنی پاتی ۔ایندے توں پہلے سید یوسف رضا گیلانی نمایاں شرکاء کوں ٹیکسٹائل دی صنعت اچ انھاں دی خدمات دے اعتراف اچ ایوارڈز نال وی نوازیا