وزیرِ اعظم  شہباز شریف دا شنگھائی تعاون تنظیم دے اجلاس دے انتظامات دا جائزہ گھنݨ سانڳے جناح کنونشن سینٹر دا دورہ

اسلام آباد۔12اکتوبر(اے پی پی) وزیرِ اعظم محمد شہباز شریف اسلام آباد اچ شنگھائی تعاون تنظیم دے سربراہانِ حکومت دے اجلاس دے انتظامات دا جائزہ گھنݨ سانڳے جناح کنونشن سینٹر دا دورہ کیتے تے اجلاس دے انتظامات تے اطمینان دا اظہار کیتا۔ وزیراعظم آفس دے میڈیا ونگ توں جاری بیان موجب جناح کنونشن سینٹر دورے تے وزیراعظم کوں  چیئرمین سی ڈی اے اتے وزارت خارجہ دے حکام دی طرفوں بریفنگ ݙتی ڳئی ۔ نائب وزیرِاعظم تے وزیرِ خارجہ اسحاق ڈار، وزیرِ منصوبہ بندی احسن اقبال، وزیرِ اطلاعات و نشریات عطاء اللہ تارڑ اتے متعلقہ اعلی حکام وی وزیرِ اعظم دے رلے ہن ۔وزیرِ اعظم شنگھائی تعاون تنظیم دے سربراہاںِ حکومت دے اجلاس دے انتظامات تے اطمینان دا اظہار کیتے۔