سی پیک دا ݙوجھا مرحلہ ٻہوں اہم اے ،پائیدارترقی سانڳے اجتماعی کوششاں دی لوڑھ اے ،چیئرمین سینیٹ سید  یوسف رضا گیلانی

اسلام آباد۔13اکتوبر(اے پی پی) چیئرمین سینیٹ سید یوسف رضا گیلانی آکھیے جو سی پیک  دا ݙوجھا مرحلہ ٻہوں اہم اے تے ایں تے پیشرفت جاری اے ،چین دیاں کمپنیاں جیں احسن طریقے نال اتھاں کم کیتے او قابل تعریف اے ۔ اے ڳالھ انھاں پاکستان اچ چائنہ چیمبر آف کامرس دی رپورٹس دے اجرا تے خطاب اچ آکھی ، عالمی سطح تے تکھے بدلدی جیو اکنامک ، جیو اسٹریٹجک صورتحال معاشی ترقی سانڳے رل تے کم کرݨ دی اہمیت کوں دھا ݙیندی اے ،اجتماعی صلاحیتاں کوں بروئے کار گھن آندے ہوئیں پائیدار ترقی اتے خوشحالی سانڳے اڳوں ودھوں ،علاقائی رابطے ودھاوݨ ویلھے دی اہم لوڑھ اے ،پاکستان دوست ملکاں نال اقتصادی تعلقات ودھاوݨ تے علاقائی تعاون کوں تکڑا بݨاوݨ چاہندے ، سٹریٹجک محل وقوع، بھرپور قدرتی وسائل اتے افرادی قوت پاکستان کوں ھک پرکشش ملک بݨیندی اے ،توانائی، انفراسٹرکچر، زراعت اتے ٹیکنالوجی جیھے شعبیں اچ تجارت، سرمایہ کاری تےجوائنٹ وینچرز دے بے پناہ امکانات موجود ہن۔انہاں آکھیے حکومت کاروباری سرگرمیاں دے ودھارے سانڳے ماحول ݙیوݨ اچ آپݨا کردار نبھیندی پئی اے