نائب وزیراعظم سینیٹر محمد اسحاق ڈار ڈی ۔8 سربراہ اجلاس اچ شرکت کیتے مصر روانہ تھی ڳئے

اسلام آباد۔17دسمبر  (اے پی پی) نائب وزیراعظم اور وزیر خارجہ سینیٹر محمد اسحاق ڈار ڈی۔8 دے 11 ویں سربراہ اجلاس اچ شرکت کیتے منگل کوں مصر دے دارالحکومت قاہرہ روانہ تھی ڳئے۔ دفترخارجہ موجب 19 دسمبر کوں تھیوݨ آلے سربراہ اجلاس توں پہلے نائب وزیر اعظم سینیٹر محمد اسحاق ڈار (کل ) بدھ کوں ڈی۔8وزرا  کونسل دے 21 ویں اجلاس اچ شریک تھیسن۔ بیان موجب نائب وزیر اعظم منگل کوں آذربائیجان دے دارالحکومت باکو اچ سیکا دے اجلاس اچ ورچول شرکت کریسن۔ سینیٹر محمد اسحاق ڈار قاہرہ اچ موجود آپݨے ہم منصباں نال ݙوپاسہ ملاقاتاں کریسن۔