اروشا، تنزانیہ۔9 اکتوبر (اے پی پی) چیئرمین سینیٹ پاکستان سید یوسف رضا گیلانی، جیڑھے بین الپارلیمانی یونین (آئی پی یو) دی 153ویں اسمبلی اچ پاکستانی پارلیمانی وفد دی قیادت کریندے پئن، آسٹریلوی ایوانِ نمائندگان دے سپیکر ملٹن ڈک کوں آئی پی یو دا صدر منتخب تھیوݨ تے دلی مبارکباد پیش کیتی اے۔ سینیٹ سیکرٹریٹ دے مطابق چیئرمین سینیٹ ایں اعتماد دا اظہار کیتا جو ملٹن ڈک دی قیادت اچ آئی …
سید یوسف رضا گیلانی دی آئی پی یو دے نومنتخب صدر ملٹن ڈک کوں مبارکباد
مزید خبراں
اروشا، تنزانیہ۔9 اکتوبر (اے پی پی) چیئرمین سینیٹ پاکستان سید یوسف رضا گیلانی، جیڑھے بین الپارلیمانی یونین (آئی پی یو) دی 153ویں اسمبلی اچ پاکستانی پارلیمانی وفد دی قیادت کریندے پئن، آسٹریلوی ایوانِ نمائندگان دے سپیکر ملٹن ڈک کوں آئی پی یو دا صدر منتخب تھیوݨ تے دلی مبارکباد پیش کیتی اے۔ سینیٹ سیکرٹریٹ دے مطابق چیئرمین سینیٹ ایں اعتماد دا اظہار کیتا جو ملٹن ڈک دی قیادت اچ آئی پی یو بین الپارلیمانی تعاون دے فروغ، جمہوری اقدار دے استحکام تے اقوام دے درمیان مکالمے تے آپسی افہام و تفہیم کوں ٻیا مضبوط بݨاوݨ اچ آپݨا کردار جاری رکھیسی۔ انہاں مشترکہ عالمی چیلنجاں نال نبڑݨ، امن دے فروغ تے آپسی احترام و تعمیری رابطیاں دے ذریعے ملکاں دے درمیان تعاون ودھاوݨ کیتے پارلیمانی سفارت کاری دی اہمیت تے زور ݙتا۔ سید یوسف رضا گیلانی آکھیا جو پاکستان نومنتخب صدر آئی پی یو تے رکن پارلیماناں دے نال رل تے جامع مکالمے، جمہوری اداریاں دے استحکام تے عالمی پارلیمانی برادری دے مشترکہ مقاصد دے حصول کیتے تعاون جاری رکھݨ کیتے پرعزم اے۔ چیئرمین سینیٹ ملٹن ڈک کیتے کامیاب مدتِ صدارت دی نیک تمنائیاں دا اظہار کریندیں ہوئیں عالمی سطح تے امن، تعاون تے پائیدار ترقی دے فروغ اچ پارلیماناں دے کردار کوں مؤثر بݨاوݨ کیتے پاکستان دی حمایت دا اعادہ کیتا۔
