اروشا، تنزانیہ۔9 اکتوبر (اے پی پی) چیئرمین سینیٹ سید یوسف رضا گیلانی بین الپارلیمانی یونین (آئی پی یو) دی 153ویں اسمبلی دے موقع تے عالمی پارلیمانی رہنماواں دے نال اہم ملاقاتاں تے ڳالھ مہاڑ نال پاکستان دی پارلیمانی سفارت کاری کوں اگوں ودھایا، انہاں رابطیاں دا مقصد بین الاقوامی شراکت داری کوں مضبوط بݨاوݨا، اہم علاقائی و عالمی امور تے پاکستان دا موقف پیش کرݨ اتے تنازعات دے حل تے …
چیئرمین سینیٹ سید یوسف رضا گیلانی دی آئی پی یو اسمبلی دے موقع تے پارلیمانی سفارت کاری کیتے ملاقاتاں
مزید خبراں
اروشا، تنزانیہ۔9 اکتوبر (اے پی پی) چیئرمین سینیٹ سید یوسف رضا گیلانی بین الپارلیمانی یونین (آئی پی یو) دی 153ویں اسمبلی دے موقع تے عالمی پارلیمانی رہنماواں دے نال اہم ملاقاتاں تے ڳالھ مہاڑ نال پاکستان دی پارلیمانی سفارت کاری کوں اگوں ودھایا، انہاں رابطیاں دا مقصد بین الاقوامی شراکت داری کوں مضبوط بݨاوݨا، اہم علاقائی و عالمی امور تے پاکستان دا موقف پیش کرݨ اتے تنازعات دے حل تے پائیدار امن دے فروغ کیتے مکالمے تے تعاون کوں وسعت ݙیوݨ ہا۔ سینیٹ سیکرٹریٹ دے مطابق چیئرمین سینیٹ آسٹریلیا تے تنزانیہ دی پارلیماناں دے سپیکرز، ایرانی پارلیمانی وفد دے ارکان تے کمبوڈیا، ازبکستان، یوراگوئے، بنگلہ دیش سمیت مختلف ملکاں دے نمائندی نال ملاقاتاں تے ڳالھ مہاڑ دے دوران ݙوپاسہ تعلقات، پارلیمانی تعاون تے علاقائی تے عالمی اہمیت دے معاملیاں تے ڳالھ مہاڑ کیتی۔ چیئرمین سینیٹ روایتی سفارت کاری دے نال پارلیمانی سفارت کاری دی اہمیت کوں اجاگر کریندیں ہوئیں آکھیا جو پاکستان امن، مکالمے تے تعمیری بین الاقوامی رابطیاں دے فروغ کیتے پرعزم اے۔ انہاں تنازعات دی روک تھام، کشیدگی اچ ڳھٹکی تے علاقائی تے عالمی چیلنجز دے پرامن حل کیتے مسلسل سفارتی کوششاں، آپسی احترام تے کثیر الجہتی تعاون دی ضرورت تے زور ݙتا۔مختلف ملکاں دے پارلیمانی نمائندی نال ڳالھ مہاڑ دے دوران چیئرمین سینیٹ پاکستان دی پارلیمانی ترجیحات تے موقف کوں اجاگر کریندیں ہوئیں آکھیا جو اقوام دے درمیان مسلسل رابطے تے منتخب نمائندی دے مابین بامعنی مکالمہ اختلافات گھٹ کرݨ، آپسی اعتماد ودھاوݨ تے پیچیدہ عالمی معاملیاں تے مشترکہ فہم پیدا کرݨ اچ اہم کردار ادا کر سڳدے۔ انہاں امن دے فروغ، جمہوری اداریاں دے استحکام تے قانون سازی و ادارہ جاتی ترقی دے شعبیاں اچ تعاون دے نویں موقعے پیدا کرݨ اچ پارلیماناں دے کردار کوں وی اہم قرار ݙتا۔ بین الپارلیمانی سپیکرز کانفرنس (آئی ایس سی) دے بانی چیئرمین دی حیثیت نال سید یوسف رضا گیلانی اسمبلی دے موقع تے آئی ایس سی دے سیکرٹری جنرل ایکناتھ ڈھاکل نال وی ملاقات کیتی۔ ایں رابطے اچ پارلیماناں دے درمیان ادارہ جاتی رابطیاں تے آپسی تعاون کوں ٻیا مستحکم بݨاوݨ دی کوشساں دی اہمیت اجاگر تھئی۔ چیئرمین سینیٹ کمبوڈیا دے پارلیمانی وفد دے سربراہ دے اعزاز اچ ظہرانے دی میزبانی وی کیتی جیندے اچ پارلیمانی رابطیاں کوں ٻیا فروغ ݙیوݨ تے ݙوپاسہ تعاون دے نویں امکانات ڳولݨ دا موقع فراہم تھیا۔
