ݙوجھیں تے اُنگلیاں چاوݨ آلے پی ٹی آئی رہنما خود کرپٹ ہن، پارلیمانی سیکرٹری اطلاعات و نشریات بیرسٹر دانیال چودھری

اسلام آباد۔19جنوری(اے پی پی) پارلیمانی سیکرٹری اطلاعات و نشریات بیرسٹر دانیال چودھری پاکستان تحریک انصاف (پی ٹی آئی) تے ملک اچ افراتفری اتے نفرت دی سیاست کوں ودھارا ݙیوݨ تے تنقید کیتی اے ۔آپݨے ھک خصوصی انٹرویو اچ انہاں الزام لاتے جو پی ٹی آئی منافقت کریندی پئی اے کیوں جو او ݙوجھیں تے اُنگیاں چاوݨ آلے خود کرپٹ ثابت تھیندے پئن ۔ انہاں مزید آکھیے پی ٹی آئی دی غلط کاریاں متعلق مزید انکشافات مستقبل اچ سامݨے آسن۔ انہاں پی ٹی آئی تے مزید سنگین الزام لیندے دعویٰ کیتے جو آپݨے دور حکومت اچ انہاں عوام دی خدمت تے آپݨی جیباں بھرݨ کوں ترجیح ݙتی ۔ انہاں پی ٹی آئی تے عام لوکاں تے تاجر برادری کوں ہراساں کرݨ دا الزام وی لاتے تے آکھیے شہزاد اکبرتے تاجراں کوں ہراساں کریندے ہن۔ ھک سوال دے جواب اچ انہاں آکھیے مسلم لیگ (ن) پاکستان کوں بحراناں توں بچاوݨ اچ اہم کردار نبھیندی پئی اے ۔ مسلم لیگ (ن) دے اقدامات دے نتیجے اچ سی پیک دے تحت رکیے ہوئے منصوبیں تے پیشرفت جاری اے تے نویں منصوبے وی شامل کیتے ویندے پئن ۔ انہاں آکھیے جݙاں مسلم لیگ (ن) حکومت سنبھالی تاں پاکستان کوں اہم چیلنجز دا سامݨا ہئی لیکن ساݙی کوششاں توں ملک دی معیشت ول نمو پذیراے۔ انہاں آکھیے قابل ذکر ڳالھ اے ہے جو سی پیک جیڑھا بیلٹ اینڈ روڈ انیشیٹو دا ھک فلیگ شپ منصوبہ اےمسلم لیگ (ن) دی قیادت اچ زور پکڑ چکیے۔ انہاں مزید آکھیے ایں جامع منصوبے دا مقصد علاقائی رابطیں کوں ودھاوݨ ، اقتصادی ترقی کوں ودھارا ݙیوݨ تے پاکستان تے ایں توں ٻاہر لوکاں دی زندگیاں کوں بہتر بݨاوݨ اے ۔ دانیال چوہدری آکھیے اساں فخر نال دعویٰ کریندے پیوں جو مسلم لیگ ن ملک کوں ترقی آلے پاسے گھن تے ویندی پئی اے۔