وفاقی وزیر اطلاعات عطاءاللہ تارڑ دا اپݨے حلقہ این اے 127 دا دورہ، یو سی 240 اچ ڳلیاں تے سیوریج دی تعمیرسودھے ریکارڈ ترقیاتی منصوبیں دا افتتاح کرݙتا

لاہور۔19جنوری(اے پی پی) وفاقی وزیر اطلاعات و نشریات عطاءاللہ تارڑ آپݨے حلقہ این اے 127 دا دورہ کیتے تے یونین کونسل 240 اچ ڳلیاں تے سیوریج دی تعمیر سودھے ریکارڈ ترقیاتی منصوبیں دا افتتاح کیتا۔ ایں موقع تے حلقے دے عوام توں خطاب کریندے وفاقی وزیر آکھیے الیکشن اچ جیڑھے ترقیاتی کماں دا وعدہ کیتا ہئی اڄ انہاں کوں پورا کیتا ویندا پئے۔ انہاں آکھیے ٻال ٻال کوں پتہ لڳ ڳئے جو گھڑی چور عمران نیازی 190 ملین پائونڈ دا ڈاکہ ماریے، ݙوجھیں کوں چور آکھݨ آلا ملک سا ساریں توں وݙا سرٹیفائیڈ چور ثابت تھئے۔ انہاں آکھیے ریاست مدینہ دا ناں گھنݨ آلا اسرائیل توں فارن فنڈنگ گھن تے ملک دے خلاف استعمال کریندا رہیا۔ معاشی صورتحال دا ذکر کریندے انہاں آکھیے موجودہ حکومت دے ھک سال اچ ہی دنیا منیندی پئی اے جو پاکستانی معیشت چنڳی تھیندی پئی اے ، پاکستان دے دوست ملک وی سرمایہ کاری سانڳے پاکستان آندے پئن جنہاں کوں بانی چیئرمین پی ٹی آئی ناراض کرݙتا ہئی ۔ انہاں آکھیے مسلم لیگ (ن) دے صدر نواز شریف دی قیادت اچ وزیراعظم محمد شہباز شریف اتے وزیراعلیٰ پنجاب مریم نواز ݙینھ رات محنت کریندے پئن ۔ انہاں آکھیے وختی گیس اتے بجلی سودھے کھاوݨ پیوݨ دیاں چیزاں دیاں قیمتاں گھٹ کرتے عام آدمی دی زندگی سوکھی کریسوں ، ترقی تے خوشحالی مسلم لیگ ن دا منشور اے۔