نائب وزیراعظم محمد اسحاق ڈار کوں متحدہ عرب امارات دے نائب وزیراعظم تے وزیر خارجہ شیخ عبداللہ بن زاید النہیان دا ٹیلیفون

اسلام آباد۔5مارچ(اے پی پی) متحدہ عرب امارات دے نائب وزیراعظم تے وزیر خارجہ شیخ عبداللہ بن زاید النہیان نائب وزیراعظم اتے وزیر خارجہ سینیٹر محمد اسحاق ڈار نال ٹیلیفونک رابطہ کیتے۔انہاں اپݨی کال اچ نائب وزیراعظم سودھے پاکستان دی قیادت تے شہریاں کوں رمضان دی دلی مبارخ ݙتی ۔ دفتر خارجہ موجب نائب وزیراعظم محمد اسحاق ڈار وی متحدہ عرب امارات دے نائب وزیر اعظم تے قیادت کوں رمضان المبارک دے موقع تے مبارخ ݙتی تے متحدہ عرب امارات دے عوام نال یکجہتی دا اظہار کیتے۔ ݙوہیں رہنماواں متحدہ عرب امارات دے ولی عہد دے اڄوکے دورہ پاکستان دے نتیجے تے وی ڳالھ مہاڑ کیتی تے سارے شعبیں اچ ݙوپاسے تعاون ودھاوݨ دا عزم کیتے