وزیراعظم محمد شہباز شریف دی شمالی وزیرستان اچ فتنہ الخوارج دے 13 دہشت گرداں کوں ہلاک کرݨ تے سکیورٹی فورسز دے افسراں تے اہلکاراں دی تعریف

اسلام آباد۔7 اکتوبر (اے پی پی) وزیراعظم محمد شہباز شریف شمالی وزیرستان اچ سکیورٹی فورسز دی کامیاب کارروائی اچ فتنہ الخوارج دے 13 دہشت گرداں کوں ہلاک کرݨ تے افسراں تے اہلکاراں دی پیشہ ورانہ صلاحیتاں دی تعریف کیتی اے۔ بدھ کوں پی ایم آفس دے میڈیا ونگ توں جاری بیان دے مطابق وزیراعظم آکھیا جو سکیورٹی فورسز شمالی وزیرستان تے گردونواح اچ فتنہ الخوارج دے ٹکاݨیاں کوں موثر انداز اچ نشانہ بݨایا، دہشت گردی دے مکمل خاتمے تے ملک اچ پائیدار امن دے قیام تئیں فتنہ الخوارج دے خلاف کارروائیاں جاری رہسن۔ وزیراعظم آکھیا جو عزمِ استحکام دے تحت دہشت گردی دے خلاف موثر کارروائیاں دہشت گردی دے مکمل خاتمے کیتے ریاست دے غیر متزلزل عزم دی عکاس ہن، وطنِ عزیز دے امن تے سلامتی کوں نقصان کرݨ آلے دہشت گرداں کوں انہاں دے مذموم عزائم اچ کامیاب نہ تھیوݨ ݙیسوں۔