اسلام آباد۔8مارچ(اے پی پی) سیکرٹری اطلاعات و نشریات تے پی ٹی وی دی منیجنگ ڈائریکٹر عنبرین جان پاکستانی تریمتاں کوں انہاں دی شاندار خدمات تے سلام پیش کیتے، پاکستان دے مستقبل دی تشکیل اچ تریمتاں دے اہم کردار کوں منیے تے قومی ترقی ودھاوݨ سانڳے چھوہریں سانڳے ھکو سویں تعلیم دی اہمیت تے زور ݙتے ۔ تریمتاں دے جگ ݙیھاڑ تے ایم ڈی پی ٹی وی تے سیکرٹری اطلاعات …
سیکرٹری اطلاعات و نشریات اتےمنیجنگ ڈائریکٹرپی ٹی وی عنبرین جان دا پاکستانی تریمتاں کوں شاندار خدمات تے خراج تحسین
مزید خبراں
اسلام آباد۔8مارچ(اے پی پی) سیکرٹری اطلاعات و نشریات تے پی ٹی وی دی منیجنگ ڈائریکٹر عنبرین جان پاکستانی تریمتاں کوں انہاں دی شاندار خدمات تے سلام پیش کیتے، پاکستان دے مستقبل دی تشکیل اچ تریمتاں دے اہم کردار کوں منیے تے قومی ترقی ودھاوݨ سانڳے چھوہریں سانڳے ھکو سویں تعلیم دی اہمیت تے زور ݙتے ۔ تریمتاں دے جگ ݙیھاڑ تے ایم ڈی پی ٹی وی تے سیکرٹری اطلاعات و نشریات عنبرین جان دا پی ٹی وی نیوز تے خصوصی سنھیا جاری کیتا ڳئے ۔ انہاں آکھیے تریمتاں ساݙے معاشرے دی ریڑھ دی ہݙی ہن تے انہاں دا بااختیار ہووݨ خوشحال پاکستان دی کلید اے۔ انہاں مزید آکھیے میݙی سارے والدین توں اپیل اے جو او چھوہریں نال چھوہراں دے برابر سلوک کرن تے انہاں کوں تعلیم دے ھکو سویں موقع ݙیون ۔ عنبرین جان آکھیے آؤ اساں قائداعظم محمد علی جناح دی شخصیت توں سبق سکھوں جنہاں تریمتاں دی خدمات کوں قدر دی نگاہ نال ݙٹھا ، بشمول انہاں دی آپݨی بھیݨ فاطمہ جناح جیڑھی زندگی بھر انھاں دے مونڈھے نال مونڈھا رلا تے کھڑیاں رہیاں ، پاکستان دی آزادی سانڳے انہاں دا ڳانڈھا تے سانجھا عزم مرداں تے تریمتاں وچال محبت، احترام تے مساوی شراکت داری دی طاقت دا ثبوت اے ۔ انہاں مزید آکھیے میں محکمہ اطلاعات دی وی تعریف کرݨ چاہندی ہاں ۔ جتھاں میں خود تریمتاں کوں بااختیار بݨاوݨ اچ ودھارا ݙٹھے۔ انہاں آکھیے جݙاں میں آغاز کیتا تاں ایں محکمے اچ کجھ تریمتاں ہن لیکن ہݨ اے تریمتاں کوں بااختیار بݨاوݨ سانڳے محکمہ نال پروان چڑھدا پئے جیڑھا جو زیادہ جامع اتے مساوی معاشرے دے پاسے ساݙی پیشرفت دا حقیقی عکاس اے، ایں وچ کوئی شک کائنی جو پاکستانی تریمتاں باصلاحیت، محنتی اتے تکھے ترقی کریندیاں پئن جیڑھا ساݙے ملک دی ترقی تے خوشحالی اچ ودھ ساری خدمات انجام ݙیندیاں پئن
