پاکستان دا فتح 4 کروز میزائل دے توسیعی ورژن دا کامیاب تجربہ

راولپنڈی۔6 اکتوبر(اے پی پی)پاکستان مقامی طور تے ٻݨائے ڳئے فتح-4 گراؤنڈ لانچڈ کروز میزائل دے توسیعی ورژن دا کامیاب تجربہ کر گھدے۔ پاک فوج دے شعبہ تعلقاتِ عامہ (آئی ایس پی آر) دے مطابق فتح-4 توسیعی ورژن جدید ایویونکس اتے جدید ترین نیوی گیشن سسٹمز توں لیس اے، جیڑھا طویل فاصلے تئیں نشانیاں کوں ݙاݙھی درستی اتے موثر انداز اچ نشانہ بݨاوݨ دی صلاحیت رکھیندے۔ اعلامیے اچ ݙسایا ڳیا جو تجربے ویلھے میزائل دے مختلف ذیلی نظاماں دے اضافی تکنیکی پیرامیٹرز دی وی توثیق کیتی ڳئی، جیندا مقصد درستی اچ بہتری اتے نظام دی بقا دی صلاحیت کوں ودھ موثر ٻݨاوݨ اے۔ آئی ایس پی آر دا آکھݨ ہا جو کامیاب تجربے دا مشاہدہ پاک فوج دے سینئر افسراں، سائنس داناں اتے میزائل تیار کرݨ والے ادارے دے انجینئراں کیتے۔