صدرِ مملکت نال انٹرنیشنل لیبر آرگنائزیشن دے ڈائریکٹر جنرل گلبرٹ ایف ہونگبو دی ملاقات

شاسلام آباد۔6 اکتوبر(اے پی پی)صدرِ مملکت آصف علی زرداری پاکستان اتے عالمی ادارۂ محنت (آئی ایل او) وچال روزگار، ہنرمندی، سماجی تحفظ اتے محفوظ لیبر مائیگریشن دے شعبیاں اچ عملی اتے نتیجہ خیز شراکت داری ودھ تکڑی کرݨ تے زور ݙتے۔ او انٹرنیشنل لیبر آرگنائزیشن (آئی ایل او) دے ڈائریکٹر جنرل گلبرٹ ایف ہونگبو نال ایوان صدر اسلام آباد اچ ملݨ ویلھے الیندے پئے ہن۔ صدر آصف علی زرداری خلیجی ملکاں، یورپ، مشرقی ایشیا اتے ٻیاں ابھردیاں منڈیاں نال لیبر مائیگریشن دے رستے کھولݨ اتے انہاں کوں مضبوط بݨاوݨ اچ آئی ایل او دی معاونت تے زور ݙتا۔ صدرِ مملکت آئی ایل او کوں دعوت ݙتی جو او تکنیکی معاونت، ادارہ جاتی استعدادِ کار ودھاوݨ اتے لیبر مارکیٹ بارے بہتر اعداد و شمار دے ذریعے انہاں عہدیاں کوں موثر عملدرآمد اچ تبدیل کرݨ کیتے پاکستان دی معاونت کرے۔ ملاقات اچ آئی ایل او دی سینئر ایڈوائزر ہیتومی ناکاگومے اتے پاکستان اچ آئی ایل او کنٹری آفس دے ڈائریکٹر گیر تھامس ٹونسٹول وی موجود ہن۔ وفاقی وزیر برائے اوورسیز پاکستانیز و ترقیِ انسانی وسائل چوہدری سالک حسین، وزیرِ مملکت برائے اوورسیز پاکستانیز و ترقیِ انسانی وسائل محمد عون چوہدری، سینیٹر شیری رحمان، سینیٹر سلیم مانڈوی والا، سابق وفاقی وزیر سید نوید قمر، وفاقی سیکرٹری اوورسیز و ترقیِ انسانی وسائل ندیم اسلم چوہدری، قائم مقام سیکرٹری خارجہ نبیل منیر، ایمپلائرز فیڈریشن آف پاکستان دے صدر ماجد عزیز تے آئی ایل او گورننگ باڈی دے ڈپٹی ممبر (ورکرز) محمد سعد وی ملاقات اچ موجود ہن۔