پی ڈی ایم اے پنجاب پورے ملک اچ 9 توں 16 مارچ تئیں زور دا مینھ وسݨ دا الرٹ جاری

اسلام آباد۔9مارچ(اے پی پی) صوبائی ڈیزاسٹر مینجمنٹ اتھارٹی (پی ڈی ایم اے)پنجاب پورے ملک اچ 9 توں 16 مارچ تئیں زور دا مینھ وسݨ دا الرٹ جاری کرݙتے ۔ پی ڈی ایم اے دے ترجمان نجی نیوز چینل تے ڳاھ کریندے شہریاں کوں چتاوݨی ݙتی جو او موسم دی ایڈوائزری نال اپ ڈیٹ رہن ۔ انہاں آپݨے سفر پروگراماں دے حفاظت یقینی بݨاوݨ کیتے موجودہ زور دے مینھ اچ باخبر رہݨ تے ضروری احتیاطی تدابیر ورتݨ دی اہمیت تے زور ݙتے ۔ ترجمان اے وی ݙسائے جو پی ڈی ایم اے دے ڈی جی عرفان علی کاٹھیا وی پنجاب دے کمشنرز تے ڈپٹی کمشنرز کوں آندے زور دے مینھ پاروں ہائی الرٹ رہݨ دی ہدایت کیتی اے ۔ کہیں وی ممکنہ ہنگامی صورت حال سانڳے تیاری یقینی بݨاوݨ کیتے واسا سودھے ریسکیو 1122، محکمہ آبپاشی، آبی وسائل دا انتظام، محکمہ لائیو سٹاک اتے جانوراں دی حفاظت تے بہبود کوں یقینی بݨاوݨ کیتے ٻئے محکمیں کوں الرٹ جاری کرݙتا ڳئے ۔انہاں اقدامات دا مقصد خطرے کوں گھٹ کرݨ اے۔ انہاں مزید آکھیے محکمہ پیشگوئی کیتی اے جو مغربی ہوائیں دا ھک نظام کل ملک دے شمالی علاقیں اچ داخل تھیسی ، اے نظام 16 مارچ تئیں برقرار رہسی۔ انہاں ݙسائے چترال، مری، گلگت بلتستان تے کشمیر اچ 9 مارچ توں 16 مارچ تئیں مینھ وسݨ دا امکان اے ۔ انہاں آکھیے سنوار کوں وفاقی دارالحکومت، راولپنڈی، اٹک، جہلم، چکوال، پشاور، چارسدہ تے مردان  جݙاں جو پنجاب دے ٻہوں شہراں اچ 12 توں 16 مارچ تئیں مینھ وسݨ دا امکان ۔ محکمہ موسمیات 14 تے 15 مارچ کوں بلوچستان دے کجھ علاقیں اچ کھمݨ نال مینھ دی پیشگوئی کیتی اے ۔ مینھ پاروں اسلام آباد، لاہور، پشاور تے کوئٹہ اچ کجھ شہری چھل ریکارڈ کرسڳدن ، ایں توں انڄ ملک دے اُتلے علاقیں اچ برف پووݨ دا امکان وی ہے ، جئیں دے نتیجے اچ سڑکاں بند تھی سڳدن