یو ایس ایف دے تحت ملک دے دیہاتی اتے پرے دے علاقیاں اچ ٹیلی کمیونیکیشن دی سہولتاں ݙتی ویندی پئن،وفاقی وزیر شزہ فاطمہ خواجہ

اسلام آباد۔11مارچ  (اے پی پی) وفاقی وزیر برائے انفارمیشن ٹیکنالوجی  شزہ فاطمہ خواجہ منگل کوں سینیٹ کوں ݙسیا جو یو ایس ایف (یونیورسل سروس فنڈ)دے تحت ملک دے غیر خدمات یافتہ، پسماندہ، دیہی ا اتے پرے دے علاقیاں اچ ٹیلی کمیونیکیشن دی سہولتاں ݙتی ویندی پئن۔ انہاں آکھیا جو گزریل ساݙھے ترائے سالیں اچ خیبرپختونخوا اچ مختلف منصوبیاں نال 9.5 ارب روپے خرچ کیتے ڳئن۔ 1600 دیہاتاں اچ 2G، 3G، اتے 4G سروسز ݙتی ڳئن، 37.43 کلومیٹر سڑکاں اتے 1159 کلومیٹر آپٹک فائبر کیبل وچھائی ڳئی اے۔ انہاں آکھیا جو ایں کماں نال پرے دے علاقیاں اچ ڈیجیٹل سہولتاں کوں بہتر ٻݨاوݨ اتے ترقی ودھاوݨ اچ مدد ملسی۔