وزیراعظم دی شاہراہ قراقرم توں رکاوٹاں ہٹانے، پھسیے مسافراں کیتے ٹکݨ اتے کھاوݨ دا انتظام کرݨ دی ہدایت

اسلام آباد۔11مارچ(اے پی پی)وزیراعظم محمد شہباز شریف چلاس اچ  لینڈ سلائیڈنگ پاروں شاہراہ قراقرم دی بندش دا نوٹس ڳھندے نیشنل ہائی وے اتھارٹی کوں شاہراہ قراقرم دی فوری بحالی دی ہدایت کیتی اے۔ وزیراعظم آکھیے جو سڑک توں رکاوٹاں ہٹاوݨ دا کم تیکھا کیتا ونڄے اتے شاہراہ قراقرم تے چلاس اچ پھسیے ہوئے مسافراں خصوصاً بزرگاں، خواتین اتے ٻالاں کوں کھاوݨ پیوݨ دی سہولت ݙتی ونڄے اتے راستہ کھلݨ تئیں انہاں دے رہݨ دا بندوبست کیتا ونڄے۔