اسلام آباد۔13مارچ (اے پی پی) پاکستان اسرائیل دی طرفوں فلسطین اچ انسانی امداد دی بندش تے غزہ کوں بجلی دی سپلائی روکݨ دی شدید مذمت کیتی اے۔ ترجمان دفتر خارجہ شفقت علی خان پریس بریفنگ اچ آکھیے اساں مغربی کنارے تے غزہ دے لوکاں دے خلاف مسلسل اسرائیلی حملے دی وی مذمت کریندوں جیں دے نتیجے اچ تریمتاں تے ٻالاں سودھے نشوم جاناں دا وݙا ضیان تھئے ۔ ھک …
پاکستان دی اسرائیل ولوں فلسطین اچ انسانی امداد بند تھیوݨ تے غزہ کوں بجلی سپلائی روکݨ دی شدید مذمت
مزید خبراں
اسلام آباد۔13مارچ (اے پی پی) پاکستان اسرائیل دی طرفوں فلسطین اچ انسانی امداد دی بندش تے غزہ کوں بجلی دی سپلائی روکݨ دی شدید مذمت کیتی اے۔ ترجمان دفتر خارجہ شفقت علی خان پریس بریفنگ اچ آکھیے اساں مغربی کنارے تے غزہ دے لوکاں دے خلاف مسلسل اسرائیلی حملے دی وی مذمت کریندوں جیں دے نتیجے اچ تریمتاں تے ٻالاں سودھے نشوم جاناں دا وݙا ضیان تھئے ۔ ھک ایجھے ویلھے جݙاں فلسطینی عوام کوں انسانی بنیاداں تے امداد دی ٻہوں لوڑھ اے ، اسرائیل دی طرفوں اقوام متحدہ دی امدادی ایجنسیاں بشمول فلسطینی پناہ گزیناں کیتے قائم اقوام متحدہ دی ریلیف اینڈ ورکس ایجنسی (یو این آر ڈبلیو اے) دی کارروائیاں کوں ختم کرݨ دیاں کوششاں ناقابل قبول ہن ۔ ترجمان آکھیے یو این آر ڈبلیو اے سودھے امدادی ایجنسیاں کوں انہاں دے اہم کماں کوں انجام ݙیوݨ توں روکݨ اسرائیل دی انسانی امداد کوں ہتھیار دے طور تے استعمال کرݨ تے فلسطین دے لوکاں کوں غیر انسانی بݨاوݨ دی منظم مہم دا حصہ اے۔ انہاں مغربی کنارے اتے غزہ اچ دشمنی وختی مکاوݨ دا مطالبہ کریندے آکھیے جو شہریاں دے تحفظ اتے وختی ضرورت منداں تئیں غیر محدود انسانی رسائی دی لوڑھ تے وی زور ݙتے۔
