اسلام آباد۔14مارچ(اے پی پی) وفاقی وزیر تجارت جام کمال خان اپݨے سرکاری دورہ عمان دے دوران انویسٹ عمان لائونج دا دورہ کیتے۔ وزارت تجارت جاری اعلامیہ موجب اے لائونج ھک مرکزی پلیٹ فارم دے طور تے کم کریندے جتھاں سرمایہ کاری دے موقع پیش کیتے ویندن ، سرمایہ کاراں کیتے سہولتاں ݙتیاں ویندن تے ایجھے معاشی منصوبے نمایاں کیتے ویندن جیڑھا جو مقامی اتے غیر ملکی سرمایہ کاری کوں …
وفاقی وزیر تجارت جام کمال خان دا انویسٹ عمان دا دورہ، سرمایہ کاری دے موقع تے ڳالھ مہاڑ
مزید خبراں
اسلام آباد۔14مارچ(اے پی پی) وفاقی وزیر تجارت جام کمال خان اپݨے سرکاری دورہ عمان دے دوران انویسٹ عمان لائونج دا دورہ کیتے۔ وزارت تجارت جاری اعلامیہ موجب اے لائونج ھک مرکزی پلیٹ فارم دے طور تے کم کریندے جتھاں سرمایہ کاری دے موقع پیش کیتے ویندن ، سرمایہ کاراں کیتے سہولتاں ݙتیاں ویندن تے ایجھے معاشی منصوبے نمایاں کیتے ویندن جیڑھا جو مقامی اتے غیر ملکی سرمایہ کاری کوں ودھارا ݙیوݨ اچ مددگار ثابت تھیندن ۔ دورے دے دوران وفاقی وزیر کوں سرمایہ کاری دے طریقہ کار، متعلقہ سرکاری اداریں، دستیاب مراعات اتے عمان دے مختلف اقتصادی شعبیں اچ موجود وݙے موقع بارے تفصیلی بریفنگ ݙتی ڳئی ۔ انویسٹ عمان دے حکام عمان دی سرمایہ کار دوست پالیسیاں تے غیر ملکی سرمایہ کاری دے ودھارے سانڳے اپنائے ڳئے سوکھے تے موثر طریقہ کار تے روشنی پاتی ۔وفاقی وزیر جام کمال خان انویسٹ عمان دے منظم طریقہ کار دی تعریف کیتی تے آکھیے جو اے پاکستان دی ون ونڈو فیسلیٹی دا جدید ورژن اے جیڑھا سرمایہ کاراں کوں ھک جاہ تے ساریاں سہولتاں ݙیوݨ دے اصول تے مبنی اے ۔ انہاں انویسٹ عمان اتے عمان انویسٹمنٹ اتھارٹی دی پاکستان دی سپیشل انویسٹمنٹ فسیلیٹیشن کونسل نال شراکت داری دی لوڑھ تے زور ݙتے تاں جو ݙو طرفہ سرمایہ کاری کوں مزید ودھارا ݙتا ونڄ سڳدے اے دورہ پاکستان تے عمان دے مشترکہ عزم کوں ظاہر کریندے۔
