اسلام آباد۔15مارچ(اے پی پی)پاک فوج دے شعبہ تعلقات عامہ (آئی ایس پی آر) ݙسائے جو سیکیورٹی فورسز 14 اتے 15 مارچ کوں خیبرپختونخوا اچ ݙو مختلف واقعات اچ 9 خوارج کوں ہلاک کر ݙتے۔ اے کارروائیاں علاقے اچ خوارج دی موجودگی دی اطلاع تے کیتاں ڳن۔ پہلی کارروائی ضلع مہمند اچ کیتی ڳئی جتھاں سکیورٹی فورسز خوارج دی کمیں گاہ کوں چٹیے جیندے نال 7 خوارج جہنم واصل تھئین۔ شدید …
پاک فوج دی خیبر پختونخوا اچ مختلف کارروائیاں، 9 خوارج جہنم واصل، 2 اہلکار شہید
مزید خبراں
اسلام آباد۔15مارچ(اے پی پی)پاک فوج دے شعبہ تعلقات عامہ (آئی ایس پی آر) ݙسائے جو سیکیورٹی فورسز 14 اتے 15 مارچ کوں خیبرپختونخوا اچ ݙو مختلف واقعات اچ 9 خوارج کوں ہلاک کر ݙتے۔ اے کارروائیاں علاقے اچ خوارج دی موجودگی دی اطلاع تے کیتاں ڳن۔ پہلی کارروائی ضلع مہمند اچ کیتی ڳئی جتھاں سکیورٹی فورسز خوارج دی کمیں گاہ کوں چٹیے جیندے نال 7 خوارج جہنم واصل تھئین۔ شدید فائرنگ اچ 2 جوان 17 سالہ حوالدار محمد زاہد ساکن ڄلع مالاکنڈ اتے 26 سالہ سپاہی آفتاب علی شاہ ساکن ضلع چترال شہید تھئین۔ جنرل ایریا مدی ڈیرہ اسماعیل خان دے ہک ٻئے واقعہ اچ سکیورٹی فورسز اتے خوارج وچال فائرنگ پاروں 2 خوارج ہلاک تھئین۔ ہلاک تھیوݨ آلے خوارج توں ہتھیار اتے گولہ بارود وی ملیے۔ اے دہشت گرد کئی دہشت گردانہ سرگرمیاں اچ ملوث ہن۔ آکھیا ڳئے جو پاکستان دی سکیورٹی فورسز ملک توں دہشت گردی دی لعنت مکاوݨ کیتے پرعزم ہین۔
