اسلام آباد۔17مارچ (اے پی پی) وزیراعظم محمد شہباز شریف آکھیا جو پاکستان دی آئی ٹی شعبے دی باصلاحیت افرادی قوت اچ عالمی مارکیٹ اچ مسابقتی بنیاد تے کم کرݨ دی استعداد موجود اے۔ آئی ٹی دے شعبے اچ 25 ارب ڈالر دی برآمدات دا ہدف ڳھنݨ کیتے آئی ٹی کمپنیاں کوں ساری سہولتاں ݙتی ویندی پئن۔ سنوار کوں وزیراعظم آفس دے میڈیا ونگ توں جاری بیان موجب اے ڳالھیں انہاں …
پاکستان دی آئی ٹی شعبے دی باصلاحیت افرادی قوت اچ عالمی مارکیٹ اچ مسابقتی بنیاد تے کم کرݨ دی استعداد موجود اے، وزیراعظم محمد شہباز شریف دی امریکی ملٹی نیشنل آئی ٹی کمپنی ایفینیٹی دے سی ای او جیرومی کیپیلس دی سربراہی اچ وفد نال ڳالھ مہاڑ
مزید خبراں
اسلام آباد۔17مارچ (اے پی پی) وزیراعظم محمد شہباز شریف آکھیا جو پاکستان دی آئی ٹی شعبے دی باصلاحیت افرادی قوت اچ عالمی مارکیٹ اچ مسابقتی بنیاد تے کم کرݨ دی استعداد موجود اے۔ آئی ٹی دے شعبے اچ 25 ارب ڈالر دی برآمدات دا ہدف ڳھنݨ کیتے آئی ٹی کمپنیاں کوں ساری سہولتاں ݙتی ویندی پئن۔ سنوار کوں وزیراعظم آفس دے میڈیا ونگ توں جاری بیان موجب اے ڳالھیں انہاں ممتاز امریکی ملٹی نیشنل آئی ٹی کمپنی ایفینیٹی دے سی ای او جیرومی کیپیلس دی سربراہی اچ 4 رکنی وفد نال ڳالھ مہاڑ کریندیں ہوئیں آکھی جنہاں وزیراعظم نال ملاقات کیتی۔ ملاقات اچ وفاقی وزیر آئی ٹی شزا فاطمہ خواجہ اتے متعلقہ اداریاں دے اعلیٰ سرکاری افسر موجود ہن۔ وزیراعظم ایفینیٹی دی پاکستان دے آئی ٹی شعبے اچ ٻئی سرمایہ کاری اچ دلچسپی دا خیرمقدم کیات اتے ایفینیٹی پاکستان کوں قومی اتے بین الاقوامی صارفین کیتے پاکستان اچ عالمی معیار دا کال سینٹر ٻݨاوݨ دی تجویز ݙتی۔ وزیراعظم آکھیا جو آئی ٹی شعبے دی باصلاحیت افرادی قوت اچ عالمی مارکیٹ اچ مسابقتی بنیاد تے کم کرݨ دی استعداد موجود اے۔ آئی ٹی دے شعبے اچ 25 ارب ڈالر دی برآمدات دا ہدف ڳھنݨ کیتے آئی ٹی کمپنیاں کوں ساری سہولتاں ݙتی ویندی پئن۔
