وفاقی وزیرداخلہ داخیبرپختونخوا دے 3 تھاݨے تے خوارجی دہشتگرداں دے حملے ناکام بݨاوݨ تے پولیس کوں خراج تحسین

اسلام آباد۔17مارچ(اے پی پی) وفاقی وزیرداخلہ محسن نقوی خیبرپختونخوا دے 3 تھاݨے تے خوارجی دہشتگرداں دے حملے ناکام بݨاوݨ تے پولیس کوں خراج تحسین پیش کیتے۔ آپݨے بیان اچ  محسن نقوی آکھیے کے پی کے پولیس بہادری نال خوارجی دہشت گرداں دا مقابلہ کیتے تے حملیں کوں ونڄائے ، خوارجی دہشتگرداں دے ناپاک ارادیں کوں مٹی اچ رلاوݨ تے خیبرپختونخوا پولیس دے بہادر سپوتاں کوں سلام پیش کریندوں انہاں آکھیے خوارجی دہشتگرداں دی سرکوبی سانڳے خیبرپختونخوا پولیس ہراول دستے دا کردار ادا کریندی پئی اے ۔محسن نقوی آکھیے خیبرپختونخوا پولیس دے بہادر سپوتاں ہمیشہ دلیری نال خوارجی دہشتگرداں دا مقابلہ کیتے اتے کریندی پئی اے ، انشاءاللہ خوارجی دہشت گرداں دے مذموم عزائم کوں سارے رل تے ناکام بݨیسن