ترجمان دفتر خارجہ دا بھارتی وزیراعظم دے پوڈ کاسٹ دے دوران ریمارکس تے ردعمل

اسلام آباد۔17مارچ(اے پی پی) پاکستان آکھیے جنوبی ایشیا اچ امن و استحکام بھارت دے سخت رویے اتے تسلط پسندانہ عزائم توں یرغمال بݨیا ہویا اے ۔ ترجمان دفتر خارجہ لیکس فریڈمین نال ھک پوڈ کاسٹ دے دوران بھارتی وزیر اعظم دے ریمارکس بارے میڈیا دے سوالاں دے جواب اچ آکھیے بھارتی وزیراعظم دے ریمارکس گمراہ کن اتے یکطرفہ ہن ، او جموں و کشمیر دے جھیڑے کوں ڄاݨ ٻجھ تے چھوڑ ݙیندن جیڑھا اقوام متحدہ، پاکستان اتے کشمیری عوام کوں بھارت دی پکی یقین دہانیاں دے باوجود گزریل ست ݙھاکیں تں حل طلب اے ۔ ترجمان آکھیے مظلومیت دی بھارت دی فرضی داستان پاکستان دی سرزمین تے دہشت گردی کوں ہوا ݙیوݨ تے بھارت دے غیر قانونی طور تے زیر قبضہ جموں و کشمیر اچ ریاستی منظور شدہ جبر اچ ملوث ہووݨ کوں لکا نی سڳدی  ترجمان آکھیے بھارت کوں ݙوجھیں تے الزام لاوݨ دی بجائے غیر ملکی علاقیں اچ ٹارگٹڈ قتل، بغاوت اتے دہشت گردی دی منصوبہ بندی دے اپݨے ریکارڈ تے غور کرݨا چاہیدے ۔ انہاں آکھیے پاکستان جموں و کشمیر دے بنیادی جھیڑے سودھے سارے تصفیہ طلب مسئلیں دے حل سانڳے ہمیشہ تعمیری مشغولیت اتے نتیجہ خیز مذاکرات دی وکالت کیتی اے تاں جو جنوبی ایشیا اچ امن و استحکام بھارت دے سخت رویے اتے تسلط پسندانہ عزائم دا یرغمال بݨیا ہویا اے ۔ ترجمان آکھیے  بھارت توں نکلݨ آلا پاکستان مخالف بیانیہ ݙو طرفہ ماحول کوں خراب کرݨ دے نال امن تے تعاون دے امکانات کوں روکیندے جئیں کوں رکݨا چاہیدے