آئی ٹی تے آئی ٹی نال جڑی خدمات پاکستان دے اہم ترقیاتی  شعبیں اچ شامل ہن ، وفاقی وزیرخزانہ محمداونگزیب

اسلام آباد۔17مارچ(اے پی پی) وفاقی وزیرخزانہ ومحصولات سینیٹر محمد اونگزیب آکھیے آئی ٹی  تے آئی ٹی نال جڑی خدمات پاکستان دے اہم ترقیاتی  شعبیں اچ شامل ہن ، حکومت آئی ٹی اتے زراعت سانڳے  سازگار ماحول پیدا کرݨ سانڳے پرعزم اے۔ اے ڳالھ انہاں اے آئی ٹیکنالوجی فرم  ایفینیٹی دے ھک وفد کوں ملاقات اچ آکھی ۔ وفد دی قیادت ایفینیٹی سافٹ ویئر سلوشنز پرائیویٹ لمیٹڈ دے سی ای او جیروم وان کیپلس کریندے پئے ہن جݙاں جو وفد اچ ایفینیٹی دے سی ایف او ویڈلی ہاورڈ فنک، ایم ڈی و جی ایم ایفینیٹی پاکستان عثمان اصغر خان اتے سینئر نائب صدر گلوبل ایچ آر فخر اعجاز شامل ہن ۔ ملاقات اچ پاکستان اچ ایفینیٹی دی توسیعی کاروباری سرگرمیاں، ٹیلنٹ ہائرنگ اتے ٹیکس نظام توں متعلقہ امورتے ڳالھ مہاڑ کیتی ۔  جیروم وان کیپلس ایفینیٹی دی آپریشنل سرگرمیاں دا ݙسیندے ݙسائے جو کمپنی دا تقریباً 80 فیصد آپریشنل معاون عملہ کراچی، لاہور تے اسلام آباد اچ موجود اے۔ انہاں کمپنی دی عالمی سطح تے توسیع تے روشنی پیندے آکھیے ایں سانڳے صارفین دا دائرہ ہݨ شمالی امریکہ، یورپ تے ٻئے خطے تئیں کھنڈ چکیے ۔ کیپلس پاکستان اچ دستیاب ہنر مند لوکاں، بالخصوص انجینئرز، کمپیوٹر سائنسداناں اتے ٹیکنالوجسٹس دی صلاحیتاں دی تعریف کیتی تے آکھیے ایفینیٹی کوں پاکستان اچ اعلیٰ معیار دی افرادی قوت دستیاب ہووݨ دا شاندار تجربہ رہیے۔ جیں کمپنی دی کامیابی اچ نمایاں کردار ادا کیتے۔  وزیر خزانہ وفد دا خیرمقدم کیتے تے ایفینیٹی دی ترقی اتے پاکستان اچ ایں دی مسلسل سرمایہ کاری دی تعریف کیتی ۔ انہاں آکھیے اطلاعاتی ٹیکنالوجی (آئی ٹی) اتے آئی ٹی نال جڑی خدمات، زرعی شعبے دے نال ، پاکستان دے اہم ترقیاتی سیکٹرز اچ شامل ہن، جنھاں دا منفرد فیدہ اے ہے جو انہاں دے زیادہ تر وسائل مقامی سطح تے دستیاب تھیندن۔