نویں کرنسی نوٹ جاری کرݨ بارے سٹیٹ بینک دی وضاحت

اسلام آباد۔18مارچ  (اے پی پی) سٹیٹ بینک آف پاکستان نویں بینک نوٹ جاری نہ کرݨ بارے خبراں دی سختی نال تردید کریندے۔  سٹیٹ بینک آف پاکستان عید الفطر 2025ء دے موقع تے وی کمرشل بینکاں کوں نویں بینک نوٹ جاری کرݨ دی آپݨی پراݨی سالانہ روایت کوں جاری رکھیندیں ہوئیں اتے بینکاں دے ملک گیر برانچ نیٹ ورک نال عوام دی نوٰں بینک نوٹاں تئیں رسائی کوں سوکھا ٻݨاوݨ کیتے کوشاں اے۔ ایں روایت کوں جاری رکھیندیں ہوئیں سٹیٹ بینک ایں سال ماہِ رمضان اچ ہݨ تئیں کمرشل بینکاں دی 17000 برانچاں کوں ساری مالیتاں دے 27 ارب روپے دے نویں بینک نوٹ ݙے ݙتن تانجو انہاں کوں عوام تئیں پجایا ونڄ سڳے۔