اسلام آباد۔18مارچ(اے پی پی) وفاقی وزیر ریلوے محمد حنیف عباسی وزارت ریلوے اچ ھک جامع اعلیٰ سطحی اجلاس دی صدارت کیتی جئیں اچ سارے اہم سٹیک ہولڈرز شرکت کیتی۔ ایں اجلاس دا مقصد پاکستان ریلوے دی موجودہ کارکردگی دا جائزہ گھنݨ ، پیش آندے چیلنجز کوں حل کرݨ تے مستقبل دی بہتری سانڳے حکمت عملی تیار کرݨ ہئی ۔اجلاس اچ وفاقی وزیر نے پاکستان ریلوے دی آپریشنل پہلواں ریل …
وفاقی وزیر ریلوے محمد حنیف عباسی دی صدارت اچ اعلیٰ سطحی اجلاس
مزید خبراں
اسلام آباد۔18مارچ(اے پی پی) وفاقی وزیر ریلوے محمد حنیف عباسی وزارت ریلوے اچ ھک جامع اعلیٰ سطحی اجلاس دی صدارت کیتی جئیں اچ سارے اہم سٹیک ہولڈرز شرکت کیتی۔ ایں اجلاس دا مقصد پاکستان ریلوے دی موجودہ کارکردگی دا جائزہ گھنݨ ، پیش آندے چیلنجز کوں حل کرݨ تے مستقبل دی بہتری سانڳے حکمت عملی تیار کرݨ ہئی ۔اجلاس اچ وفاقی وزیر نے پاکستان ریلوے دی آپریشنل پہلواں ریل گاݙیاں دے شیڈولنگ، مسافراں دی خدمات، تکنیکی آپریشنز اتے حفاظتی پروٹوکولز تے تفصیل نال نوٹس ڳھدے۔ انہاں ایں ڳالھ تے زور ݙتے جو ریلوے آپریشنز کوں مؤثر اتے بغیر کہیں تاخیر دے انجام ݙیوݨ ٻہوں ضروری اے ۔ وفاقی وزیر سارے ہولڈرز کوں ہدایت کیتی جو او ریل گاݙیاں دے اوقات یقینی بݨاون تے خدمات کوں اعلیٰ معیار دی کارکردگی نال ݙیون ۔ حنیف عباسی ایں ڳالھ تے زور ݙتے جو مسافراں دی حفاظت تے سیکورٹی ہمیشہ ریلوے آپریشنز اچ اولین ترجیح ہووݨی چاہیدی اے ۔ انہاں ریل گاݙیاں تے سٹیشناں تے سکیورٹی ودھاوݨ دی لوڑھ تے زور ݙتا تاں جو کہیں وی ناخوشگوار واقعے توں بچیا ونڄ سڳے۔ انہاں ریلوے حکام کوں جدید حفاظتی ٹیکنالوجیز اپناوݨ تے ہنگامی صورتحال اچ تیاری چنڳی کرݨ دی ہدایت کیتی تاں جو مسافراں کوں ہمیشہ محفوظ سفر دی ضمانت ݙتی ونڄ سڳے۔ انہاں ریلوے انفراسٹرکچر دی اپ گریڈیشن دی لوڑھ تے وی ڳالھ کیتی ، خاص طور تے ریل دے ٹریکس، سٹیشنز تے رولنگ سٹاک کوں جدید بݨاوݨ تے زور ݙتے تاں جو خدمات دے معیاراچ ودھارا تھیوے تے ریل گاݙیاں تکھے تے وختی چلن ۔ انہاں آکھیے جدید تے آرام دہ ریل گاݙیاں دے تعارف نال مسافر پاکستان ریلوے کوں آپݨے سفر سانڳے ترجیحی انتخاب بݨا سڳدن ۔حنیف عباسی مزید آکھیے صارف خدمات دی بہتری تے توجہ ݙتی ونڄے تے سارے سٹیک ہولڈرز کوں ہدایت ݙتی جو او مسافراں نال پیشہ وارانہ رویہ اختیار کرن، انھاں دے سوالاں دے جواب ݙیون تے کہیں وی تاخیر یا رکاوٹ دی صورت اچ وختی آگاہی ݙیون۔
