وزیراعظم 2025 دی شجرکاری مہم شروع کر ݙتی، پوری قوم خصوصی طور نینگر اتے کسان مہم اچ ودھ چڑھ تے حصہ ڳھنن، شہباز شریف

اسلام آباد۔19مارچ  (اے پی پی) وزیراعظم محمدشہبازشریف 2025 دی شجرکاری مہم شروع کر ݙتی اے۔ شجرکاری مہم اچ چاریں صوبے، آزاد کشمیر اتے گلگت بلتستان اچ چار کروڑ 17 لکھ پودے لاتے ویسن جڈانجو وزیراعظم آکھیا جو پاکستان موسمیاتی تبدیلی توں ساریاں توں ودھ متاثر ݙاہ ملکاں اچوں اے، وݨ اساݙے ماحول کوں بہتر ٻݨاوݨ اچ مدد ݙیندن۔ پوری قوم خصوصی طور نینگر اتے کسان مہم اچ ودھ چڑھ تے حصہ ڳھنن۔ بدھ کوں ہک تقریب توں خطاب اچ وزیراعظم پودا لاتے شجرکاری مہم شروع کیتی۔ ایں موقع تے خطاب کریندیں ہوئیں وزیراعظم آکھیا جو رحمتاں اتے برکتاں آلے مہینے رمضان المبارک اچ 2025 دی شجرکاری مہم شروع کر ݙتی اے ، شجرکاری مہم اچ چاریں صوبے، آزاد کشمیر اتے گلگت بلتستان اچ چار کروڑ 17 لکھ پودے لاتے ویسن جڈانجو وزیراعظم آکھیا جو پاکستان موسمیاتی تبدیلی توں ساریاں توں ودھ متاثر ݙاہ ملکاں اچوں اے، وݨ اساݙے ماحول کوں بہتر ٻݨاوݨ اچ مدد ݙیندن۔ پوری قوم خصوصی طور نینگر اتے کسان مہم اچ ودھ چڑھ تے حصہ ڳھنن۔ گزریل کڄھ سالیں اچ تھیوݨ آلی موسمیاتی تبدیلیاں پاروں شجرکاری دی اہمیت ٻئی ودھ ڳئی اے۔ 2022 دا چھل موسمیاتی تبدیلی پاروں آیا ہئی اتے وݙی تباہی تھئی۔ انشاء اللہ پاکستان ہک عظیم ملک ٻݨسی۔ سرکاری دستاویز موجب موسم بہار2025 دی شجرکاری مہم اچ پنجاب اچ ہک کروڑ 28 لکھ 70 ہزار، سندھ اچ ہک کروڑ ، خیبر پختونخوا اچ 26لکھ 33 ہزار ، بلوچستان اچ 20 لکھ 62 ہزار ، آزاد کشمیر ہک کروڑ ہک لاکھ 47 ہزار اتے گلگت بلتستان اچ 40 لکھ پودے لاتے ویسن۔ ایں سیزن دی شجر کاری مہم اچ کیکر ، شیشم ، سکھ چین، پھلائی، چیڑ ، کیل، دیودار، پیپل، نیم بری،  جامن، املی ، چلغوزہ،  املتاس سویں پودے لاتے ویسن۔