وفاقی وزیر تجارت جام کمال خان نال یورپی یونین دی سفیر ڈاکٹر رینا کیونکا دی ملاقات

اسلام آباد۔19مارچ(اے پی پی)وفاقی وزیر تجارت جام کمال خان نال پاکستان اچ یورپی یونین دی سفیر ڈاکٹر رینا کیونکا ملین۔ انہاں پاکستان اتے یورپی یونین وچال تجارتی تعلقات ودھاوݨ اتے مستقبل دے کاروباری مواقع تے الایا۔ ڈاکٹر کیونکا وفاقی وزیر تجارت کوں یورپی یونین-پاکستان بزنس فورم اچ اختتامی خطاب کیتے دعوت ݙتی۔ اے فورم 14 اتے 15 مئی 2025ء کوں اسلام آباد اچ تھیسی جیندا مقصد اعلیٰ سطح مذاکرات، کاروباری شراکت داریاں ودھاوݨ اتے یورپی یونین و پاکستان وچال تجارت و سرمایہ کاری دے مواقع ڳولݨ اے۔ وفاقی وزیر تجارت جام کمال خان آکھیا جو یورپی یونین پاکستان دا ݙوڄھا وݙا تجارتی شراکت دار اے جیندے نال 2024ء اچ ݙوطرفہ تجارت تقریباً 12 ارب یورو تئیں پڄ چکی اے۔