وفاقی وزیر خزانہ و ریونیو سینیٹر محمد اورنگ زیب دی صدارت اچ ای سی سی اجلاس

اسلام آباد۔21مارچ(اے پی پی) وفاقی وزیر خزانہ و ریونیو سینیٹر محمد اورنگزیب دی صدارت اچ کابینہ دی اقتصادی رابطہ کمیٹی (ای سی سی)  دا اجلاس تھئے ۔اجلاس اچ وفاقی وزیر پاور سردار اویس احمد خان لغاری، وزیر پٹرولیم علی پرویز ملک، وفاقی وزیر بورڈ آف انویسٹمنٹ قیصر احمد شیخ دے نال نال ایس ای سی پی دے چیئرمین، وفاقی سکریٹریز اتے متعلقہ وزارتاں تے ڈویژناں دے سینئر حکام شریک تھئن۔ وزارت خزانہ توں جاری اعلامیہ موجب اجلاس اچ ای سی سی وزارت طلاعات و نشریات  دی سمری دا جائزہ ڳھدا تے ایں دی مںظوری ݙتی ۔ ای سی سی وزارت اطلاعات و نشریات دے مختص 5.6 ارب روپے دے بجٹ توں 2 ارب روپے دے استعمال دی ٹیکنیکل سپلیمنٹری گرانٹ (ٹی ایس جی) دے استعمال دی منظوری ݙتی۔ اے رقم میڈیا ہائوسز کوں اشتہار دے واجبات دی ادائیگیاں دی ذمہ واریاں کوں پورا کرݨ سانڳے استعمال کیتی ویسی۔ کمیٹی وزارت دفاع دی طرفوں بھیجی ڳئی ٹی ایس جی سانڳے ھک تجویز دی وی منظوری ݙتی جیں دے تحت 430 ملین روپے موجودہ مالی سال دے دوران صوبہ پنجاب اچ ایس اے پی سکیماں تے عملٌدرآمد سانڳے استعمال کیتے ویسن ۔کمیٹی جناح میڈیکل کمپلیکس اینڈ ریسرچ سنٹر (جے ایم سی اینڈ آر سی) کمپنی کے انور سانڳے حکومت دے پیڈ اپ کیپٹل دی حیثیت نال 250 ملین روپے دی ادائیگی دی وی منظوری ݙتی۔ ایں توں اسلام آباد اچ جدید ترین معیار دے حامل ھک ہزار بستریں تے مشتمل تعلیمی میڈیکل سینٹر دے قیام دی مد اچ مدد ملسی تاں جو ای سی سی جے ایم سی اینڈ آر سی کمپنی کوں ہدایت کیتی جو نویں گرانٹ توں پہلے او منظور شدہ رقم 250 ملین روپے دے تحت آوݨ آلے خرچے دی مکمل تفصیل وی ݙیوے۔ مزید برآں ای سی سی سٹیٹ بینک آف پاکستان دی ایگزم بینک دی وݙی مدتی فنانسنگ سہولت (ایل ٹی ایف ایف) سانڳے فنانس ڈویژن دی سمری تے ڳالھ مہاڑ کیتی ۔ ای سی سی فیصلہ کیتےجو   330 ارب روپے دے ایس بی پی دے ایل ٹی ایف ایف پورٹ فولیو کوں ایگزم بینک اچ مرحلہ وار شامل کیتا ویسی ، مالی سال 2025 سانڳے نویں پورٹ فولیو سانڳے ایل ٹی ایف ایف دے سبسڈی دی لوڑھ کوں پورا کرݨ سانڳے تکنیکی ضمنی گرانٹ دے ذریعے 1.001 ارب دی رقم مختص تھیسی ۔ اجلاس دے چھیکڑ اچ ای سی سی فنانس ڈویژن دی طرفوں پیش کیتی ڳئی تکنیکی اضافی گرانٹ 24.556 ملین روپے دی سمری دی وی منظوری ݙتی۔(سپریم کورٹ آف پاکستان دی 19 مارچ 2025 دی ہدایات دے تحت 280.1 روپے فی ڈالر دی شرح تبادلہ دے حساب توں 87 ہزار 671.21 ڈالر دے مساوی اے) جیڑھا جو جے اے سی ڈی ٹیکسٹائل پرائیوٹ لمیٹڈ، سڈنی آسٹریلیا دی مسز لیا بمبا کوں ادا کیتی ویسی۔