سیٹلائٹ انٹرنیٹ دی منظوری پاکستان دے ڈیجیٹل مستقبل سانڳے سنگ میل اے، ، شزا فاطمہ خواجہ

اسلام آباد۔21مارچ(اے پی پی) وفاقی وزیر آئی ٹی و ٹیلی کمیونیکیشن شزا فاطمہ خواجہ آکھیے وزیراعظم شہباز شریف دی ہدایت تے سٹارلنک دی رجسٹریشن یقینی بݨائی ڳئی، سیٹلائٹ انٹرنیٹ دی منظوری پاکستان دے ڈیجیٹل مستقبل سانڳے سنگ میل اے، سارے سکیورٹی اتے ریگولیٹری اداریں دی مشاورت نال سٹارلنک کوں عارضی این او سی جاری کیتا ڳئے ۔ وزارت انفارمیشن ٹیکنالوجی و ٹیلی کمیونیکیشن توں جاری بیان موجب وفاقی وزیر شزہ فاطمہ خواجہ سٹارلنک دی عارضی رجسٹریشن تے آپݨے بیان اچ آکھیے وزیراعظم شہباز شریف دی ہدایت تے سٹارلنک دی رجسٹریشن یقینی بݨائی ڳئی،وزیراعظم دی قیادت اچ پاکستان ڈیجیٹل ترقی دے پاسے ٹردا پئے ۔ وزیر آئی ٹی آکھیے وزیراعظم دی ہدایت تے انٹرنیٹ نظام دی بہتری سانڳے وݙا قدم چاتا ڳئے ،سیٹلائٹ انٹرنیٹ دی منظوری پاکستان دے ڈیجیٹل مستقبل سانڳے سنگ میل اے،وزیراعظم دی ہدایت ہئی جو پاکستان اچ انٹرنیٹ نظام کوں چنڳاں بݨایا ونڄے ، سیٹلائٹ انٹرنیٹ جیھے جدید حل توں ملک اچ کنیکٹیویٹی اچ بہتری آسی۔انہاں آکھیے حکومت “ہول آف گورنمنٹ” اپروچ دے تحت سارے اداریں نال رل تے کم کیتے ۔ وزیر آئی ٹی آکھیے سائبر کرائم ایجنسی، سکیورٹی ایجنسیز، پی ٹی اے اتے سپیس اتھارٹی کلیدی کردارنبھائے سارے سکیورٹی اتے ریگولیٹری اداریں دی مشاورت نال سٹارلنک کوں عارضی این او سی جاری کیتا ڳئے انہاں آکھیے پی ٹی اے سٹارلنک دی فیس ادائیگی اتے ٻئی لائسنسنگ ضرورتاں کوں پورا کریسی ، پاکستان اچ سٹارلنک دے آوݨ نال سیٹلائٹ انٹرنیٹ دا باقاعدہ آغاز تھیسی۔