اسلام آباد۔22مارچ (اے پی پی) وزیر مملکت صحت ڈاکٹر مختار بھرتھ آکھیے آئی سی ٹی اچ پنج کمیونٹی ہیلتھ سینٹرز نال گھٹ توں گھٹ پنج نرسنگ کالج بݨائے ونڄن ۔وزارت دے ترجمان موجب ڈاکٹر مختار بھرتھ دی سربراہی اچ اسلام آباد اچ صحت دیاں سہولتاں اچ پیشرفت دا جائزہ ڳھدا ڳئے ایں موقع تے انہاں ہدایت کیتی جو ڈسٹرکٹ ہیلتھ انفارمیشن سسٹم مینجمنٹ دے نفاذ کوں وختی یقینی بݨاون …
وزیر مملکت ڈاکٹر مختار بھرتھ دی سربراہی اچ صحت دیاں سہولتاں تے پیشرفت دا جائزہ ڳھدا ڳئے
مزید خبراں
اسلام آباد۔22مارچ (اے پی پی) وزیر مملکت صحت ڈاکٹر مختار بھرتھ آکھیے آئی سی ٹی اچ پنج کمیونٹی ہیلتھ سینٹرز نال گھٹ توں گھٹ پنج نرسنگ کالج بݨائے ونڄن ۔وزارت دے ترجمان موجب ڈاکٹر مختار بھرتھ دی سربراہی اچ اسلام آباد اچ صحت دیاں سہولتاں اچ پیشرفت دا جائزہ ڳھدا ڳئے ایں موقع تے انہاں ہدایت کیتی جو ڈسٹرکٹ ہیلتھ انفارمیشن سسٹم مینجمنٹ دے نفاذ کوں وختی یقینی بݨاون ،طبی عملے دی کمی ہٹاوݨ سانڳٖ بھرتی دے عمل کوں تکھا کیتا ونڄے ۔ڈاکٹر مختار بھرتھ آکھیے آئی سی ٹی اچ پنج کمیونٹی ہیلتھ سینٹرز نال گھٹ توں گھٹ پنج نرسنگ کالج بݨائے ونڄن وزیر مملکت موبائل ہیلتھ کلینک شروع کرݨ دی اہمیت تے زور ݙتا ۔ انہاں آکھیے اسلام آباد ہیلتھ کیئر ریگولیٹری اتھارٹی تے پرایویٹ سیکٹر نال رل تے 24/7 برتھ ڈوز سائٹس بݨائے ونڄن ۔مختار بھرتھ آکھیے حفاظتی ٹیکیں دی کوریج کوں چنڳاں کرݨ سانڳے اقدامات کیتے ونڄن ،قطرے پیوݨ توں محروم زیرو ڈوز اتے انکاری ٻالاں دی ویکسنیشن یقینی بݨاون ۔مختار بھرتھ ڈینگی تے قابو پاوݨ دیاں کوششاں تے اقدامات مکمل کرݨ دی ہدایت کریندے آکھیے اسلام آباد اچ صحت دی ݙیکھ بھال یقینی بݨاوݨ سانڳے عملی اقدامات یقینی بݨائے ونڄن ۔
