اسلام آباد۔22مارچ(اے پی پی) وزیرِاعظم محمد شہباز شریف سعودی عرب دا دورہ مکمل کرتے جدہ توں وطن واپس روانہ تھی ڳئن وزیراعظم دفتر دے میڈیا ونگ توں جاری بیان موجب گورنر جدہ شہزادہ سعود بن عبد اللہ بن جلاوی وزیراعظم کوں ایئرپورٹ تے رخصت کیتے۔ وزیراعظم محمد شہباز شریف 19 توں 22 مارچ 2025 تئیں سعودی عرب دا سرکاری دورہ کیتے۔دورہ سعودی عرب دا مقصد پاکستان تے سعودی عرب …
وزیرِاعظم شہباز شریف سعودی عرب دا دورہ مکمل کرتے وطن واپس روانہ
مزید خبراں
اسلام آباد۔22مارچ(اے پی پی) وزیرِاعظم محمد شہباز شریف سعودی عرب دا دورہ مکمل کرتے جدہ توں وطن واپس روانہ تھی ڳئن وزیراعظم دفتر دے میڈیا ونگ توں جاری بیان موجب گورنر جدہ شہزادہ سعود بن عبد اللہ بن جلاوی وزیراعظم کوں ایئرپورٹ تے رخصت کیتے۔ وزیراعظم محمد شہباز شریف 19 توں 22 مارچ 2025 تئیں سعودی عرب دا سرکاری دورہ کیتے۔دورہ سعودی عرب دا مقصد پاکستان تے سعودی عرب وچال ݙو پاسے تعلقات کوں تکڑا بݨاوݨ ،اقتصادی تعاون ودھاوݨ تے ݙوہیں ملکاں وچال سرمایہ کاری کوں ودھارا ݙیوݨ اے ۔ دورے دے دوران وزیراعظم سعودی ولی عہد و وزیراعظم محمد بن سلمان آل سعود نال ملاقات کیتی ، ملاقات اچ ݙوہیں رہنماواں تجارت کوں ودھارا ݙیوݨ ، کلیدی شعبیں اچ شراکت داری ودھاوݨ تے وسیع تر اقتصادی تعاون کوں سہل بݨاوݨ دے طریقے تے ڳالھ مہاڑ کیتی ڳئی ۔ ایں توں انڄ وزیراعظم سعودی وزیر سرمایہ کاری خالد الفالح تے اقتصادی امور سانڳ بݨائی ڳئی ٹاسک فورس دے سربراہ محمد التجویری نال وی ملاقات کیتی ۔ملاقات اچ پاکستان اتے سعودی عرب وچال اقتصادی تعاون تکڑا کرݨ تے پاکستان اچ مزید سرمایہ کاری گھن آوݨ تے ڳالھ مہاڑ کیتی ڳئی ۔وزیراعظم محمد شہباز شریف دورے دے چھیکڑ اچ مدینہ منورہ اچ مسجد نبوی اچ روضہ رسول تے حاضری ݙتی تے مکہ مکرمہ اچ وفد سودھے عمرہ وی ادا کیتے۔
