وزیرِاعظم محمد شہباز شریف دا نوشکی اچ پولیس موبائل تے دہشتگرداں دے حملے اچ 4 پولیس اہلکاراں دی شہادت تے ݙکھ تے افسوس

اسلام آباد۔23مارچ(اے پی پی) وزیرِاعظم محمد شہباز شریف آکھیے دہشتگردی دی عفریت ملک توں مںڈھوں مکاوݨ تئیں ایں دے خلاف جنگ جاری رکھیسوں ۔ دہشتگرداں دے ناپاک عزائم کوں کݙاہیں کامیاب نہ تھیوݨ ݙیسوں ۔ وزیرِ اعظم محمد شہباز شریف  نوشکی اچ پولیس موبائل تے دہشتگرداں دے حملے اچ 4 پولیس اہلکاراں دی شہادت تے ݙکھ تے افسوس کیتے ۔ وزیراعظم دفتر دے میڈیا ونگ توں جاری بیان موجب وزیرِاعظم  شہداء دی اُچے درجات اتے گھرآلیں سانڳے صبر دی دعا منڳی ۔ انہاں واقعہ دی وختی تحقیقات اتے ذمہ واراں دے تعین و کارروائی دی ہدایت وی کیتی۔ دہشتگردی دے خلاف جنگ اچ پولیس و قانون نافذ کرݨ آلے اداریں تے افسراں تے اہلکاراں دیاں عظیم قربانیاں کوں قوم کݙاہیں نہ بھُلیسی۔ وزیرِاعظم آکھئے دہشتگردی دی عفریت ملک توں منڈھوں مکاوݨ تعیں ایں دے خلاف جنگ جاری رکھیسوں ،دہشتگرداں دے ناپاک عزائم کوں کݙاہیں کامیاب نہ تھیوݨ ݙیسوں ،دہشتگرد بلوچستان دی ترقی و امن دے دشمن ہن۔