وفاقی وزیر رانا تنویر حسین دا بانیانِ پاکستان تے پاک فوج  دیاں قربانیاں کوں خراجِ تحسین

اسلام آباد۔23مارچ(اے پی پی) وفاقی وزیر قومی غذائی تحفظ رانا تنویر حسین آکھیے یومِ پاکستان ھک آزاد و خودمختار ریاست دے قیام دی یادگار تاریخ اے، اڄ دے ݙینھ اے عہد کریندوں جو اساں پاک فوج دے رلے کھڑے رہسوں ، وزیرِاعظم شہباز شریف دی قیادت اچ غذائی تحفظ کوں یقینی بݨاوݨ سانڳے پرعزم اے ۔ اتوار کوں یوم پاکستان دے موقع تے آپݨے خصوصی پیغام اچ وفاقی وزیرآکھیے بانیانِ پاکستان اتے پاک فوج دی قربانیاں کوں خراجِ تحسین پیش کریندوں ،ساݙی پاک فوج ہمیشہ دشمن دے ناپاک عزائم مٹی اچ رلائے ،پاک فوج نہ صرف سرحداں دی محافظ بلکہ قدرتی آفتاں تے قومی بحراناں اچ وی ہمیشہ صفِ اول کھڑی رہی اے۔رانا تنویر حسین آکھیے اتحاد، ترقی اتے خود انحصاری دے عزم دی تجدید کریندوں ، اڄ دے ݙینھ عہد کریندوں جو اساں پاک فوج رلے کھڑے رہسوں اساں ساریں کوں رل تے ملکی ترقی اچ بھرپور کردار نبھاوݨاں ہوسی زراعت ساݙی ملکی معیشت دی ریڑھ دی ہݙی اے پاکستان دی زراعت کوں جدید خطوط تے استوار کریندے پیوں ۔وزیرِاعظم شہباز شریف دی قیادت اچ غذائی تحفظ یقینی بݨاوݨ سانڳے پرعزم ہیسے۔