دبئی۔24مارچ(اے پی پی) متحدہ عرب امارات اچ پاکستان دے سفیر فیصل نیاز ترمذی دبئی اچ پورٹ رشید تے وسٹا میری ٹائم ٹریول اینڈ ٹورازم دی طرفوں لاتے ڳئے رمضان افطار ٹینٹ دا دورہ کیتے۔ وسٹا میری ٹائم ٹریول اینڈ ٹورازم ھک پاکستانی کمپنی اے جئیں دے کراچی تے دبئی اچ دفترہن ۔سفارتخانہ توں جاری بیان موجب رمضان افطار ٹینٹ اچ تقریباً 300 لوکاں کوں روزانہ افطاری اتے کھاٹا ݙتا ویندا پئے جیڑھا جو رمضان دے مقدس مہینے اچ ھک خیراتی کوشش دا حصہ اے۔ اے مسلسل ݙوجھا سال اے جݙاں وسٹا میری ٹائم ایں شاندار تقریب دی میزبانی کیتی اے جیڑھا جو کمیونٹی سروس اتے فراخدلی سانڳے انہاں دے عزم کوں ظاہر کریندے ۔ پاکستان دے سفیر دورے دے دوران متحدہ عرب امارات اچ پاکستانی سفارتی مشن دے افسراں دے رلے حاضرین اچ کھاݨے دے ڈٻے ونڈئن تے زائرین کوں ذاتی طورتے خوش آمدید آکھیے ۔ انہاں خیمے اچ کافی وقت گزیے، اجتماعی دعااچ شرکا نال افطاری اچ شرکت کیتی۔
