اسلام آباد۔24مارچ(اے پی پی) ڈپٹی چیئرمین سینیٹ سیدال خان آکھیے پاکستان تے چین دی دوستی سانجھے احترام، اعتماد تے مشترکہ ترقی دے اصولاں تے مبنی اے جیڑھا ݙوہیں ملکاں دے عوام سانڳے خوشحالی تے استحکام دی ضمانت اے، ݙوہیں ملکاں ہر اوکھ اچ ھک ݙوجھے رلے کھڑے رہین تے انہاں تعلقات کوں مزید وسعت ݙیوݨ سانڳے ہرممکن اقدامات کیتے ویسن ۔ اے ڳالھ انہاں سلک روڈ کلچرل سینٹر اچ منعقدہ 23 مارچ دے حوالے نال تصویری نمائش دی افتتاحی تقریب اتے افطار ڈنراچ بطور مہمان خصوصی خطاب کریندے آکھی ۔ ایں موقع تے چین دے سفیر، پاکستانی و چینی حکام، سفارتی اتے سماجی شخصیات وی موجود ہن۔ ڈپٹی چیئرمین سینیٹ سیدال خان آکھیے پاک چین ثقافتی و تجارتی تعلقات ݙوہیں ملکاں دے عوام کوں نیڑے گھن آندے پئن تے چینی فنکاراں تے ہنرمنداں دے تبادلے نال دوستی دے ایں رشتے کوں مزید ودھارا تھیسی ۔ڈپٹی چیئرمین سینیٹ چین پاکستان اقتصادی راہداری دا ذکر کریندے آکھیے چین تے پاکستان دے پراݨے دوستانہ تعلقات دے تحت اے شاہراہ نہ صرف ݙوہیں مملکاں دے عوام کوں نیڑے گھن آندی پئی اے بلکہ خطے اچ اقتصادی ترقی اتے خوشحالی دے نویں رستے کھولیندی پئی اے ۔
