ریاست ،آئین تے قانون کوں منݨ آلیں نال ڳالھ مُہاڑ تھی سڳدی اے دہشت گرداں نال کائناں ، وفاقی وزیر ریلوے حنیف عباسی

کوئٹہ۔ 26 مارچ (اے پی پی) وفاقی وزیر ریلوے حنیف عباسی آکھئے جو ریاست ،آئین تے قانون کوں منݨ آلیں نال ڳالھ مُہاڑ تھی سڳدی اے دہشت گرداں نال کہیں قسم دے مذاکرات نہ تھیسن۔  دہشت گرداں دے خلاف ملک اتے ٻاہرلے ملک ہرجاہ تے پیچھا کیتا ویسی کل توں جعفر ایکسپریس پشاور سانڳے روانہ تھیسی سیکورٹی دے سخت انتظامات کیتے ڳئن۔ اے ڳالھ انہاں ریلوے ڈی ایس دے رلے کوئٹہ اچ پریس کانفرنس کریندے آکھی ۔انہاں آکھیے دہشت گرداں دا کوئی دین ایمان کائنی ، ھک سازش دے تحت قوم پرستی، فرقہ پرستی اتے صوبائیت کوں ہوا ݙتی ویندی پئی اے ، ریل گاݙی حملے اچ عام لوکاں کوں نشانہ بݨایا ڳئے ، دہشت گرداں کوں اے سنھیا اے جو ہݨ جعفر ایکسپریس ہفتے اچ ترائے دی بجائے ست واری چلسی ، فورسز پولیس اتے ایف سی کوں خراج تحسین پیش کریندوں انہاں جان تے کھیݙ تے شہریاں کوں بچائے۔ انہاں آکھیے نیشنل سیکورٹی دے اجلاس اچ اتے حکومتی سطح تے اے فیصلہ کیتا ڳئے جو دہشت گرداں دے خلاف سخت کارروائی کیتی ویسی ، ساݙی فوج 30 سال توں دہشت گرداں دے خلاف لڑدی پئی اے ،بلوچستان دے عوام کہیں دے خلاف کائنی، ریل گاݙیاں دی سیکورٹی دے اہم اقدامات چاتے ڳئن انہاں آکھیے ریلوے پولیس کنے سیکورٹی اہلکاراں دی کمی اے لہذا 500 سو پولیس اہلکار وختی بھرتی کیتے ویسن جنہاں اچوں 70 فیصد اہلکاراں کوں بلوچستان اچ تعینات کیتا ویسی ۔ وفاقی وزیر ریلوے حنیف عباسی آکھیے 29 تاریخ کوں عید سانڳے سپیشل ریل گاݙی کوئٹہ توں روانہ تھیسی عید دے پہلے ترائے ݙینھ تئیں 20 فیصد کرائے اچ رعائیت ݙتی ڳئی اے