وزیرِ اعظم دی کلمت اچ مسافراں تے فائرنگ دی مذمت، 5 قیمتی جاناں دے ضیان تے افسوس

اسلام آباد۔27مارچ(اے پی پی)وزیرِ اعظم محمد شہباز شریف کلمت اچ مسافروں تے فائرنگ دے واقعے دی مذمت کریندے آکھیے جو شرپسند عناصر بلوچستان دے امن و ترقی دے دشمن ہین۔ اپݨے سنیہے اچ وزیرِ اعظم واقعے اچ 5 لوکاں دے جاں بحق تھیوݨ تے افسوس کریندے درجات دی دعا کیتی۔ انہاں واقعے اچ زخمی تھیوݨ آلے لوکاں کوں بہترین طبی سہولتاں ݙیوݨ، واقعے دی تحقیقات کرتے ذمہ داراں کوں سامݨے ڳھن آوݨ اتے سخت سزا ݙیوݨ دی وی ہدایت کیتی۔ وزیر اعظم آکھیا جو شرپسند عناصر دیاں معصوم لوکاں دے خلاف اینڄھیاں بزدلانہ کاروائیاں انہاں دی حیوانیت دا ثبوت ہیں، شرپسند عناصر دے ملک دشمن عزائم کوں کݙاھیں کامیاب نہ تھیوݨ ݙیسوں۔