نوجوانوں دی انفارمیشن ٹیکنالوجی اچ فنی تربیت حکومت دی ترجیح اے، وزیراعظم محمد شہبازشریف

اسلام آباد۔27مارچ(اے پی پی)وزیراعظم محمد شہبازشریف آکھیے جو نوجوانوں دی انفارمیشن ٹیکنالوجی اچ فنی تربیت حکومت دی ترجیح اے، ہواوے دے آئی سی ٹی تربیتی پروگرام نال نہ صرف آئی ٹی برآمدات ودھسن ٻھل نوجواناں کوں روزگار دے مواقع ملݨ اچ وی مدد ملسی۔ اے ڳالھ انہاں اسلام آباد اچ ہواوے دے چیف ایگزیکٹو آفیسر ایتھن سن دی اڳواݨی اچ 5 رکنی وفد نال ملݨ ویلھے الیندے آکھی۔ ملاقات اچ وفاقی وزیر برائے  اقتصادی امور احد خان چیمہ، وفاقی وزیر اطلاعات و نشریات عطاء اللہ تارڑ، وفاقی وزیر انفارمیشن ٹیکنالوجی و ٹیلی کام شزہ فاطمہ خواجہ، چیئرمین ہائر ایجوکیشن کمیشن ڈاکٹر مختار احمد اتے متعلقہ اعلیٰ سرکاری افسران وی موجود ہن۔ وزیراعظم آکھیے جو ہواوے نال ٹھوس اتے طویل مدتی شراکت چاہندن، ہواوے دے آئی سی ٹی تربیتی پروگرام نال نہ صرف آئی ٹی برآمدات ودھسن۔ ایں موقع تے وزیراعظم کوں ہواوے ولوں 3 لکھ پاکستانی نوجواناں کوں آئی ٹی دے شعبے اچ تربیت ݙیوݨ سانڳے پیشرفت تے بریفنگ ݙتی گئی، انہاں کون ݙسایا ڳیا جو لکھ نوجواناں اچوں 2 لکھ 40 ہزار نوجواناں کوں بنیادی نوعیت ڄݙاں جو 60 ہزار نوجواناں کوں ہائی ٹیک تربیت ݙتی ویسی۔ اے سال مکݨ تئیں سارے 3 لکھ نوجواناں دی تربیت مکمل تھیسی، تربیتی پروگرامز دی تھرڈ پارٹی ویلیڈیشن کرائی ویسی۔ ہواوے، ہائر ایجوکیشن کمیشن دے اشتراک نال پندرہ پاکستانی یونیورسٹیاں اچ مصنوعی ذہانت، کلاؤڈ کمپیوٹنگ، بگ ڈیٹا اتے سائبر سکیورٹی دے کورسز متعارف کروائے گئن۔