اسلام آباد۔27مارچ(اے پی پی)وفاقی وزیر داخلہ محسن نقوی نال امریکا دی قائم مقام سفیر نیٹلی بیکر ملین۔ انہاں پاک امریکا تعلقات، باہمی دلچسپی دے امور سودھا ݙو طرفہ تعاون اتے دہشت گردی دے خلاف باہمی اشتراک کار ودھاوݨ تے الایا۔ قائم مقام امریکی سفیر جعفر ایکسپریس اتے ٻئے دہشتگردانہ حملیاں دی مذمت کیتی اتے شہدا دے خانداناں کوں پرچاوݨی ݙتی۔ انہاں آکھیا جو پاکستان اچ دہشت گردی دے واقعات اچ …
وفاقی وزیر داخلہ محسن نقوی نال امریکا دی قائم مقام سفیر دی ملاقات
مزید خبراں
اسلام آباد۔27مارچ(اے پی پی)وفاقی وزیر داخلہ محسن نقوی نال امریکا دی قائم مقام سفیر نیٹلی بیکر ملین۔ انہاں پاک امریکا تعلقات، باہمی دلچسپی دے امور سودھا ݙو طرفہ تعاون اتے دہشت گردی دے خلاف باہمی اشتراک کار ودھاوݨ تے الایا۔ قائم مقام امریکی سفیر جعفر ایکسپریس اتے ٻئے دہشتگردانہ حملیاں دی مذمت کیتی اتے شہدا دے خانداناں کوں پرچاوݨی ݙتی۔ انہاں آکھیا جو پاکستان اچ دہشت گردی دے واقعات اچ مرݨ آلے لوکاں دے ٹٻراں نال ہمدردی اے۔ ملاقات اچ ایں رواں سال جون اچ کاونٹر ٹیررازم ڈائیلاگ کراوݨ تے اتفاق تھئے۔ وزیر مملکت داخلہ طلال چودھری، امریکا دے پولیٹیکل قونصلر زیک ہارکن رائیڈر اتے وفاقی سیکرٹری داخلہ خرم آغا وی ملاقات اچ موجود ہن۔ وزیر داخلہ محسن نقوی آکھیا جو دہشتگردی ہک بین الاقوامی مسئلہ اے جیندے نال نمٹݨ کیتے عالمی براداری کوں وی ہتھ ونݙاوݨا ہوسی، پاکستان دہشت گرداں دے خلاف بھرپور کارروائیاں کریندا پئے، ایں سانڳے ہمہ جہتی پالیسی ٻݨادی پئی اے، امریکا اچ غیر قانونی مقیم پاکستانیاں دی ملک واپسی اچ پورا ہتھ ونݙیسوں، پاک امریکا کاکس دا اجلاس 30 اپریل کوں نیو یارک اچ تھیسی۔
