”رب ذوالجلال دا احسان- پاکستان“ تقریب اتے وزارت اطلاعات و نشریات ولوں نیشنل یوتھ/ علماء کنونشن جمعہ کوں تھیسی

اسلام آباد۔27مارچ(اے پی پی) ”رب ذوالجلال دا احسان- پاکستان“ تقریب اتے وزارت اطلاعات و نشریات ولوں نیشنل یوتھ/ علماء کنونشن جمعہ کوں کنونشن سنٹر اسلام آباد اچ تھیسی۔ اے تقریب جمعتہ الوداع اتے 27 رمضان المبارک سانڳے تھیندی پئی اے۔ پاکستان دا قیام لیلة القدر، جمعة الوداع، ماہ رمضان المبارک 1366ھ بمطابق 14 اگست 1947ء کوں تھیا ہا۔ وزیراعظم محمد شہباز شریف تقریب اچ بحیثیت مہمان خصوصی شریک تھیسن اتے خطاب کریسن۔ او ملکی ترقی اچ نوجواناں دے کردار، حکومت دے نوجواناں کیتے اصلاحاتی اقدامات اتے مستقبل دی حکمت عملی تے ڳالھ کریسن۔ وزیراعظم پاکستان دے قیام دے بنیادی نظریئے، ایندے جغرافیائی، دفاعی و معاشی اہمیت تے وی الیسن جو پاکستان 27 رمضان المبارک (شب قدر) کوں ہک اسلامی نظریاتی ریاست دے طور تے اٻھریا ہا جیندی بنیاد ”پاکستان کا مطلب کیا؟ لا الہ الا اللہ“ دے اصول تے کھڑی اے۔ پاکستان دنیا دی کلہی اسلامی جوہری طاقت ہووݨ پاروں عالمی سطح تے نویکلی سنڄاݨ رکھدے۔ نیشنل یوتھ کنونشن اچ نوجواناں کوں قومی ترقی اچ موثر کردار ادا کرݨ دی ترغیب ݙتی ویسی۔ تقریب اچ نوجواناں سودھا پورے پاکستان توں ہر مکاتب فکر دے لوک آسن۔ حکومت ولوں تعلیم، روزگار، ڈیجیٹل معیشت اتے کاروباری مواقع اچ نوجواناں کیتے جاری مختلف منصوبیاں تے ڳالھ کیتی ویسی۔ اے کنونشن نوجواناں کوں نہ صرف قومی ترقی اچ حصہ پاوݨ دی حوصلہ افزائی کریسی ٻھل انہاں کوں جدید دنیا دی لوڑھ دے مطابق دھالݨ کیتے وی وݙا ہتھ ونݙیسی۔