وزارت اطلاعات و نشریات دی سالانہ کارکردگی رپورٹ، ڈیجیٹل ترقی، میڈیا ریگولیشن اتے بین الاقوامی روابط اچ نمایاں پیشرفت

اسلام آباد۔28مارچ(اے پی پی)وزارت اطلاعات و نشریات دے مختلف محکمیاں دی پچھلے ہک سال اچ کارکردگی نمایاں رہی اے جیندے اچ ڈیجیٹل کمیونیکیشن، میڈیا ریگولیشن اتے بین الاقوامی روابط اچ اڳونہی تھئی اے۔ وزارت اطلاعات دی رپورٹ موجب وزارت دے مختلف شعبہ جات دی کاوشاں کوں اڳونہا کیتا ڳئے جیندا مقصد ملکی میڈیا منظر نامے کوں جدید خطوط تے استوار کرݨ، معلومات دے شعبے اچ درپیش جدید چیلنجز دا مقابلہ کرݨ، شفافیت نال میڈیا دی ترقی ودھاوݨ اتے عالمی سطح تے پاکستان دا تشخص چنڳا کرݨ شامل اے۔ ہک اہم پیشرفت ڈیجیٹل کمیونیکیشن ڈیپارٹمنٹ دا قیام اے جیندی منظوری اکتوبر 2024ء اچ ݙتی گئی۔ اے محکمہ جدید ڈیٹا اینالیٹکس اتے رئیل ٹائم مانیٹرنگ دے ذریعے ڈیجیٹل خطرات، غلط معلومات اتے ہائبرڈ وار فیئر دا مقابلہ کرݨ دا ذمہ دار اے۔ ڈائریکٹوریٹ آف الیکٹرانک میڈیا اینڈ پبلیکیشنز (DEMP) ولوں مصنوعی ذہانت نال چلݨ آلے مانیٹرنگ سسٹم دا آغاز میڈیا تجزیئے اتے قومی سلامتی کیتے جدید ٹیکنالوجی دے استعمال بارے حکومتی عزم دا اظہار اے۔ پچھلے سال پریس انفارمیشن ڈیپارٹمنٹ (پی آئی ڈی) حکومتی ترجیحات و قومی استحکام دے فروغ کیتے مربوط مواصلاتی حکمت عملی نافذ کیتی۔ ایندے اہم اقدامات اچ ڈس انفارمیشن دے تدارک کیتے میٹا نیریٹو کمیٹی دا قیام، نظرثانی شدہ نیشنل ایکشن پلان دی تشہیر اتے 4500 توں ودھ صحافیاں دی معاونت شامل ہین۔ پی آئی ڈی 7646 پریس ریلیز، 456 پالیسی مضامین جاری کیتن اتے 600 توں ودھ پریس کانفرنساں کیتن۔ ایندے علاوہ حکمت عملی بہتر ٻݨاوݨ کیتے سنٹیمنٹ اینالیسز دا استعمال کیتا گیا اتے شہری تعلیم اتے قوم یکجہتی تے مہمات شروع کیتاں ڳن۔ وزارت اطلاعات و نشریات دا ہک اتے شعبہ ڈائریکٹوریٹ آف الیکٹرانک میڈیا اینڈ پبلی کیشنز (DEMP) پاکستان دی فلم اتے نشریاتی پالیسی دے تحت میڈیا مانیٹرنگ، خبراں دے تجزیئے اتے مواد دی تیاری دا انتظام کریندے۔ اے ادارہ حکومتی میٹا نیریٹو نال ہم آہنگ موضوعاتی دستاویزی فلماں تیار کریندا پئے اتے میڈیا تجزیئے کیتے مصنوعی ذہانت نال چلݨ آلا مانیٹرنگ سسٹم متعارف کروا چکیے۔ DEMP سفارت کاری، سرمایہ کاری اتے ثقافت دے فروغ کیتے کثیر السانی مواد تخلیق کیتے، مشترکہ پروڈکشنز اچ معاونت کیتی اتے سرکاری اشتہارات کوں ٹریک کرݨ دی سہولت ݙتی۔ اے ادارہ قومی تاریخ، قیادت اتے کشمیر تے کتب اتے رپورٹس وی شائع کریندے۔ مانیٹرنگ سیکشن 400 توں ودھ ٹاک شوز، 8 ہزار توں ودھ ٹکرز، 2 ہزار توں ودھ بریکنگ نیوز اتے 100 توں ودھ لائیو ایونٹس دا تجزیہ کیتے۔ DEMP آئوٹ ریچ، نمائشاں اتے تقریبات کراوݨ نال عالمی سطح تے پاکستان دا تشخص تکڑا تھئے۔ سال 2024ءاچ پاکستان ٹیلی ویژن ڈرامیاں، مزاحیہ پروگراماں، موسیقی، ٹاک شوز، سفر نامیاں اتے ٻالاں دے پروگراماں سودھا متنوع مواد نال شمولیت اتے ثقافتی ورثے کوں ودھائے۔ چنڳے پروگراماں اچ ’’ بخت ہزاری‘‘، ’’ہوئے تم اجنبی‘‘ اتے ’’سلطان عبدالحمید ثانی ‘‘شامل ہن۔ قومی تقریبات دی کوریج اتے خصوصی نشریات وی پیش کیتاں ڳن۔ پی ٹی وی نیوز شنگھائی تعاون تنظیم (ایس سی او) سمٹ اتے وفاقی بجٹ ڄھیں اہم ایونٹس دی کوریج کیتی ڄݙاں جو پی ٹی وی ورلڈ ایچ ڈی اپ گریڈیشن مکمل کیتی اتے اشاریاں دی زبان دے بلیٹنز متعارف کروائن۔ انٹرنیشنل ریلیشنز ڈویژن چین اتے آذربائیجان نال میڈیا تعاون دے معاہدے کیتن جیندے نال پی ٹی وی دے معیاری و جامع پروگرامنگ دے عزم کوں ودھایا ڳئے۔ پاکستان براڈ کاسٹنگ کارپوریشن دی بحالی جاری اے جیندے اچ مالی استحکام، انجینئرنگ اپ گریڈ، انتظامی اصلاحات اتے مواد دی بہتری تے توجہ اے۔ بزنس پلان دے تحت اشتہارات، پراپرٹی لیزنگ، پبلک پرائیویٹ پارٹنر شپ، او ٹی ٹی اتے ڈیجیٹل بل بورڈز دے ذریعے سالانہ 3 توں 5 ارب روپے دی آمدنی دا ہدف مقرر کیتا گئے۔ مواد دی بہتری اچ معیار، نوجواناں دی شمولیت، سوشل میڈیا، ثقافتی سفارت کاری، پوڈ کاسٹ دے فروغ اتے ترکیہ دے اشتراک نال نویں ریڈیو پاکستان میوزیم دا قیام ترجیح اے۔ قومی خبر رساں ادارہ ایسوسی ایٹڈ پریس آف پاکستان کارپوریشن (اے پی پی) شنگھائی تعاون تنظیم (ایس سی او) سمٹ، گرلز ایجوکیشن کانفرنس اتے کامن ویلتھ ایشیا یوتھ الائنس ڄھیں اہم عالمی ایونٹس دی اردو، انگریزی سودھا کئی زباناں اتے ملٹی میڈیا فارمیٹس اچ کوریج کیتی۔ اے پی پی آذر ٹیک (آذربائیجان) اتے تاس (روس) نال میڈیا تبادلے دے معاہدے کیتن۔ نوجواناں دے انٹرن شپ پروگرامز ودھائن۔ صحافتی تربیت کیتے یونیورسٹی آف سرگودھا نال شراکت داری کیتی اتے انسداد دہشت گردی، انسداد پولیو اتے کشمیر جھیں اہم قومی امور تے ڈیجیٹل آئوٹ ریچ ودھائی اے۔ پاکستان الیکٹرانک میڈیا ریگولیٹری اتھارٹی (پیمرا) نجی الیکٹرانک میڈیا دے نظم و نسق دا ذمہ دار اے تاں جو مواد دے تنوع، معیار اتے مثبت قومی تشخص ابھریڄے۔ اے ادارہ 142 سیٹلائٹ ٹی وی چینلز، 171 ایف ایم ریڈیو اسٹیشنز اتے 3587 کیبل نیٹ ورکس دی نگرانی کریندا پئے۔ پچھلے سال پیمرا ݙو سیٹلائٹ ٹی وی چینلز، ہک ایف ایم اسٹیشن اتے 92 کیبل نیٹ ورکس دے لائسنس جاری کیتن۔ ایندے مصنوعی ذہانت تے مبنی مانیٹرنگ سسٹم کوریج 50 توں ودھا تے 250 ٹی وی چینلز تئیں کر ݙتی۔ پیمرا میڈیا اخلاقیات تے تربیتی سیشنز کیتن اتے جعلی خبراں دے خلاف اقوام متحدہ ترقیاتی پروگرام (یو این ڈی پی) نال شراکت داری کیتی۔ پیمرا ترمیمی ایکٹ 2023ء ایندے ریگولیٹری فریم ورک کوں تکڑا کیتے جیندے نال میڈیا سیکٹر دی ترقی و روزگار دے مواقع ودھین۔ پریس کونسل آف پاکستان پرنٹ میڈیا اچ آزادی صحافت دے تحفظ و اخلاقی معیارات دے نفاذ دا ذمہ دار اے ڄئیں 21 شکایات نمٹائن، 11 شکایات سٹیزن پورٹل دے ذریعے حل کیتن اتے اخلاقی خلاف ورزیاں کیتے 55 از خود نوٹس ڳھدن۔ اقدامات اچ میڈیا ایتھکس ٹریننگ روم، آئوٹ ریچ پروگرامز اتے پی ایف یو جے اتے سی پی این ای نال تعاون شامل ہین۔ پریس کونسل آف پاکستان بین الاقوامی فورمز تے میڈیا اخلاقیات بارے پاکستان دی نمائندگی وی کریندے۔ انفارمیشن سروس اکیڈمی اپݨے 41 ویں سپیشلائزڈ ٹریننگ پروگرام دے تحت 14 افسران کوں تربیت ݙتی ڄݙاں جو ڈیجیٹل ٹولز، ای پروکیورمنٹ اتے انتہا پسندی دے خلاف اقدامات تے ورکشاپس کیتن، مالدیپ دی میڈیا ٹریننگ اتے اقوام متحدہ ترقیاتی پروگرام (یو این ڈی پی) دے سیشن دی میزبانی وی کیتی۔25 ۔ 2024 کیتے انفارمیشن سروس اکیڈمی 100 ملین روپے دے بجٹ نال میڈیا پروفیشنلز دی ترقی کیتے اپݨی کوششاں جاری رکھین۔ ایکسٹرنل پبلسٹی (ای پی) ونگ سیاحت اتے ثقافتی سفارت کاری ودھائی، میڈیا وفود اتے دستاویزی فلماں اچ معاونت ݙتی جیندے اچ روسی ٹی وی دی سفری فلم اتے نیٹ فلکس دی ’’   ‘‘Super Rich Strangers  شامل ہین۔ ایکسٹرنل پبلسٹی ونگ بلومبرگ ڄھیں بین الاقوامی میڈیا اداراں نال اقتصادی کوریج اچ ہتھ ونݙائے اتے کوریا ۔ پاکستان کلچرل ویک دی مشترکہ میزبانی کیتی۔ ایویں ای پی ونگ 2024ء دے ایس سی او سمٹ اتے پاکستان دے انتخابات دی عالمی سطح تے موثر کوریج وی کیتی۔ فروری 2024ء توں جنوری 2025ءتئیں پریس رجسٹرار اخبارات و جرائد کیتے 94 این او سیز اتے 189 رجسٹریشن سرٹیفیکیٹ، خبر رساں ایجنسیاں کیتے 4 سرٹیفیکیٹ جاری کیتن۔ سینٹرل بورڈ آف فلم سنسرز ڈیجیٹل سینما پروجیکٹر اتے جدید سہولیات نال اپݨے آپریشنز جدید کیتن۔ 316 فلماں دی سنسرنگ مکمل کیتی اتے 3.9 ملین روپے دی آمدنی کمائی۔ نویں ڈیجیٹل سکریننگ سسٹم کارکردگی اتے سٹیک ہولڈرز دے اطمینان کوں ودھائے۔ ایویں دی امپلی منٹیشن ٹربیونل فار نیوز پیپرز ایمپلائیز (آئی ٹی این ای) 8 ویں ویج بورڈ ایوارڈ دا نفاذ یقینی ٻݨائے، 366 کیسز نمٹائن اتے ملازمین کوں 55.4 ملین روپے ادائیگی کیتی۔ 34 ملین روپے دے بجٹ نال اے ادارہ اجرت دے حقوق دے تحفظ اتے میڈیا انڈسٹری اچ ہم آہنگی ودھاوݨ کیتے اپݨیاں کوششاں رکھی پئے۔