اسلام آباد۔23اپریل(اے پی پی)وفاقی وزیر تجارت جام کمال خان نال سارک چیمبر آف کامرس اینڈ انڈسٹری دے سیکرٹری جنرل ذوالفقار بٹ دی سربراہی اچ وفد ملیے۔ ملاقات اچ ویمن چیمبر دی چیئرپرسن حنا منصب اتے معروف صنعتکار زبیر ملک وی شامل ہن۔ انہاں بالخصوص بنگلہ دیش نال تجارتی تعلقات تکڑے ٻݨاوݨ تے الائے۔ وفد ݙسایا جو عید دے بعد ایف پی سی سی آئی دے تعاون نال ہک وݙا تجارتی وفد بنگلہ دیش ویسی۔ انہاں آکھیا جو بنگلہ دیش دے تجارتی وفد نال ملاقات اچ باہمی تجارتی تعلقات ودھاوݨ تے ڳالھ تھئی۔ وفد ݙسایا جو 19 توں 21 مئی تئیں ہک تجارتی میلہ تھیسی جیندے اچ 44 کمپنیاں شرکت کریسن۔ وزیر تجارت آکھیا جو پاکستان بنگلہ دیش دی 18 کروڑ دی آبادی دی وݙی منڈی اچ موجود تجارتی مواقع توں فیدہ چاوݨ چاہندے، جیندے کیتے حکومت پورا تعاون کریسی۔
